Bomb Threat : સુરતમાં પાસપોર્ટ ઓફિસને બોમ્બથી ઉડાવી દેવાની ધમકી મળતા ખળભળાટ
- સુરતમાં ફરી એક વખત Bomb Threat
- ઉમરા સ્થિત પાસપોર્ટ ઓફિસને ઉડાવી દેવાની ધમકી
- ડોગ સ્ક્વોડ અને બૉમ્બ સ્કવોડની ટીમ ઘટના સ્થળે
- અગાઉ પણ પાસપોર્ટ ઓફિસને મળી ચુકી છે ધમકી
Bomb Threat : ગુજરાતમાં સરકારી અને ખાનગી સંસ્થાઓને બોમ્બથી ઉડાવી દેવાની ધમકી મળવાનો સિલસિલો યથાવત જોવા મળ્યો છે. ડાયમંડ સિટી સુરતમાં સુરક્ષા વ્યવસ્થાને પડકાર ફેંકતી એક ઘટના સામે આવી છે. શહેરના ઉમરા વિસ્તારમાં આવેલી પાસપોર્ટ ઓફિસ (Passport Office) ને બોમ્બથી ઉડાવી દેવાની ધમકી મળતા પોલીસ તંત્ર દોડતું થઈ ગયું છે. આ ધમકીભર્યા સંદેશ બાદ ઓફિસમાં હાજર કર્મચારીઓ અને અરજદારોમાં ફફડાટ વ્યાપી ગયો હતો.
Bomb Threat : તંત્રએ હાથ ધર્યું સર્ચ ઓપરેશન
ઘટનાની ગંભીરતાને ધ્યાને રાખીને સ્થાનિક પોલીસ સાથે ડોગ સ્ક્વોડ (Dog Squad) અને બોમ્બ સ્ક્વોડ (Bomb Squad) ની ટીમો તાત્કાલિક ઘટના સ્થળે પહોંચી ગઈ હતી. સમગ્ર ઓફિસ પરિસરને ખાલી કરાવીને ખૂણેખૂણાની તપાસ હાથ ધરવામાં આવી છે. સુરક્ષા એજન્સીઓ દ્વારા સર્ચ ઓપરેશન (Search Operation) ચલાવીને કોઈ શંકાસ્પદ વસ્તુ છે કે નહીં તેની ઝીણવટભરી તપાસ કરવામાં આવી રહી છે.
અગાઉ પણ મળી ચૂકી છે ધમકી
ઉલ્લેખનીય છે કે, સુરતની આ પાસપોર્ટ ઓફિસને નિશાન બનાવવામાં આવી હોય તેવી આ પ્રથમ ઘટના નથી. અગાઉ પણ (Previously)આ જ પ્રકારે પાસપોર્ટ ઓફિસને ઉડાવી દેવાની ધમકી મળી ચૂકી છે. વારંવાર મળતી આ પ્રકારની ધમકીઓ પાછળ કોઈ અસામાજીક તત્વોનો હાથ છે કે પછી કોઈ મોટું ષડયંત્ર, તે દિશામાં પોલીસે તપાસ તેજ કરી છે.
સાયબર સેલની મદદ લેવાશે
આ ધમકી કયા માધ્યમથી આપવામાં આવી છે તેની તપાસ માટે સાયબર ક્રાઈમ (Cyber Crime) ટીમની પણ મદદ લેવામાં આવી રહી છે. પોલીસ આસપાસના સીસીટીવી ફૂટેજ અને ટેકનિકલ સર્વેલન્સના આધારે ધમકી આપનાર શખ્સ સુધી પહોંચવા માટે ચક્રો ગતિમાન કર્યા છે.