અંકલને મેરે સાથ ગંદા કામ કિયા, ચાર વર્ષની માસૂમ સાથે પાડોશીએ કર્યા અડપલા

સુરતના પાંડેસરા વિસ્તારમાં ચાર વર્ષની માસૂમ બાળકીને ચોકલેટ આપવાની લાલચે તેને સાથે લઈ જઈને અડપલાં કર્યા હોવાની શર્મસાર ઘટના સામે આવી છે. ગતરોજ બપોરના સમયે નરાધમ આ બાળકી ને ચોકલેટ અપાવવાના બહાને પોતાની સાથે લઈ ગયો હતો અને ત્યારબાદ તેની સાથે અડપલાં કર્યા હતાં. 3 કલાક બાદ બાળકી જ્યારે ઘરે પરત આવી ત્યારે તેની માતાને આ બાબતે કહેતાં સમગ્ર હકીકત ધ્યાનમાં આવી હતી. 

સુરતમાં બાળકીઓ સાથે દુષ્કર્મ અને અડપલાં કર્યા હોવાની ઘટનાઓ અવારનવાર ઘટતી જાય છે. કેટલાંક કિસ્સાઓમાં બાળકીઓ સાથે દુષ્કર્મ કર્યા બાદ મોતને ઘાટ ઉતારી દેવાના બનાવો પણ બન્યાં છે. ત્યારે ગત રોજ સુરત શહેરના પાંડેસરા વિસ્તારમાં ઓડિશા વાસી પરિવારની ચાર વર્ષની માસૂમ બાળકીને પાડોશમાં રહેતો વ્યક્તિ ગત બપોરે ચોકલેટ અપાવવાની લાલચ આપી ને ક્યાંક લઈ ગયો હતો અને માસૂમ સાથે અડપલાં કર્યા હતાં. તેમજ બાળકીને એમ પણ કહ્યું હતું કે, કિસી કો બતાના મત મેં તુજે ચોકલેટ દેતા રહુંગા. આ સમગ્ર વાત બાળકી જ્યારે ઘરે પરત આવી ત્યારે તેની માતા ને જણાવી હતી અને આ વાત સાંભળી માતાના પગ તળેથી જમીન સરકી ગઈ હતી. ઘટન ની ગંભીરતાને ધ્યાને લઇને પરિવારે તરત જ પોલીસનો સંપર્ક કરતાં પોલીસ પણ દોડતી થઈ ગઈ હતી.

પોલીસ દ્વારા બાળકી ના પરિવાર સાથે વાત કરતાં જાણવા મળ્યું કે બાળકી બપોરે આંગણવાડીમાં અભ્યાસ માટે ગઈ હતી ત્યાર બાદ તે ઘરે પરત ફરી ન હતી. આશરે 3 કલાક બાદ બાળકી જાતે જ ઘરે આવી ગઈ હતી. ઘરે આવીને બાળકીએ તેની માતાને જે જણાવ્યું તે સાંભળી ને માતાના હોંશ ઉડી ગયાં હતાં. બાળકીએ કહ્યું હતું કે, "અંકલ ને મેરે સાથ ગંદા કામ કિયા હૈ, ઔર મુજે બોલા કિસીકો બતાના મત મેં તુજે ચોકલેટ દેતાં રહુંગા." આ વાત સાંભળતા જ બાળકીના પરિવારજનો એ પોલીસને જાણ કરી હતી.

આ સમગ્ર ઘટના અંગે એસીપી આર.એલ.માવાણી એ માહિતી આપતાં જણાવ્યું હતું કે, બાળકી અને પરિવારની સતર્કતાને કારણે આ નરાધમ ને પકડી પાડવામાં આવ્યો છે. બાળકી એ તેની માતા ને જણાવ્યું હતું કે પાડોશી ઇસમે તેના કપડાં કાઢી ને ત્યારબાદ તેની સાથે અડપલાં કર્યા હતાં અને કોઈને ન કેહવા માટે ચોકલેટ ની લાલચ પણ આપી હતી. પરિવાર દ્વારા તાત્કાલિક પોલીસ બોલાવી લેવામાં આવતા આરોપી ને ભાગવાનો મોકો મળ્યો ન હતો. બાળકી ને વધુ તપાસ અને સારવાર માટે હોસ્પિટલ ખસેડવામાં આવી હતી. હાલ બાળકી ની સ્થિતિ સારી છે. આ અંગે વધુ તપાસ પાંડેસરા પોલીસ સ્ટેશન ના પીઆઈ એ.પી.ચૌધરી કરી રહ્યા છે.