Surendranagar : મહિલાઓની અનોખી શિવભક્તિ, પાંચ દિવસમાં સવા લાખ માટીના શિવલિંગનું નિર્માણ

સુરેન્દ્રનગરના બાપુનગર વિસ્તારમાં રહેતી ૨૫ કરતાં વધુ મહિલાઓ હાલ શિવભક્તિના રંગે રંગાઈ છે. પવિત્ર શ્રાવણ કે ધાર્મિક માહોલ વચ્ચે આ મહિલાઓએ માત્ર પાંચ દિવસમાં સવા લાખ માટીના શિવલિંગ બનાવવાનો સંકલ્પ પૂર્ણ કર્યો છે. આ વિશેષ આસ્થા માટે આ મહિલાઓ વહેલી સવારે ૩ વાગ્યાથી જ જાગીને શિવલિંગ બનાવવાની સેવામાં જોડાઈ જતી હતી. આ નિર્મિત સવા લાખ શિવલિંગો પર સવા લાખ બીલીપત્ર અર્પણ કરવામાં આવશે. મહિલાઓની આ અનોખી ધાર્મિક પહેલ હાલ સમગ્ર વિસ્તારમાં ભારે આકર્ષણનું કેન્દ્ર બની છે.