Surendranagar News: કચ્છના નાના રણમાં વર્ષો જૂના જમીન વિવાદનો ઉકેલ, અગરિયાઓના હિત માટે 16 સભ્યોની ઉચ્ચસ્તરીય કમિટીની રચના

અગરિયાઓની માંગણી સ્વીકારાઈ

રાજાશાહી વખતથી ખારાગોડા સહિતના વિસ્તારોમાં મીઠું પકવતા અગરિયાઓ માટે કચ્છનું નાનું રણ જીવનનિર્વાહનું મુખ્ય સાધન છે. જોકે, ઘુડખર અભયારણ્ય જાહેર થયા બાદ જમીન બાબતે ઉભા થયેલા કાયદાકીય અને વ્યવહારુ પ્રશ્નોને કારણે અગરિયાઓ લાંબા સમયથી મુશ્કેલીમાં હતા. હવે વન વિભાગ દ્વારા લેખિત પરિપત્ર બહાર પાડીને 16 સભ્યોની કમિટીની જાહેરાત કરવામાં આવતા અગરિયા સમુદાયમાં ખુશીની લહેર દોડી ગઈ છે.

ધારાસભ્યનો આભાર માનતા અગરિયાઓ

આ કમિટી ઘુડખર અભયારણ્ય અને અગરિયાઓના જમીન હકો સહિતના પ્રશ્નોનું પ્રત્યક્ષ નિરાકરણ લાવશે, જેનાથી પાંચ જિલ્લાના હજારો પરિવારોને વ્યાપક ફાયદો થશે. આ નિર્ણય બદલ ખારાઘોડાના અગરિયાઓ અને સ્થાનિક આગેવાનોએ દસાડાના ધારાસભ્ય પી.કે. પરમારનો આભાર વ્યક્ત કર્યો હતો. આ કમિટીમાં દસાડા તાલુકા પંચાયતના ઉપપ્રમુખ દિલિપભાઈ માલકિયા સહિતના સભ્યોની ભૂમિકા મહત્વની બની રહેશે.

આ પણ વાંચો: Rajkot Accident News: ગોંડલ-કોટડા સાંગાણી રોડ પર ગમખ્વાર અકસ્માત: બે કિશોરોના કમકમાટીભર્યા મોત