Surendranagar: ચોટીલામાં દીપડાની દહેશત, ઝીંઝુડા હિલ પર દેખાતા ગ્રામજનોમાં ભય

ખેડૂતો અને પશુપાલકોમાં વધી ચિંતા

દીપડો જોવા મળ્યાની ઘટનાથી ખાસ કરીને ખેડૂતો અને પશુપાલકો વધુ સતર્ક બન્યા છે. ઝીંઝુડા હિલ વિસ્તારની આસપાસ ખેતીની જમીનો તેમજ ઝાડીવાળો વિસ્તાર હોવાથી વહેલી સવારે અને સાંજના સમયે લોકો ખેતરોમાં જવા માટે પણ સાવચેતી રાખી રહ્યા છે. પશુઓને ચરાવવા જતાં માલધારીઓમાં પણ ભયની લાગણી જોવા મળી રહી છે.

વન વિભાગ તાત્કાલિક કાર્યવાહી કરે તેવી માગ

દીપડો દેખાયા બાદ ગ્રામજનોએ વન વિભાગ તાત્કાલિક કાર્યવાહી કરે તેવી માગ ઉઠાવી છે. સ્થાનિકોનું કહેવું છે કે દીપડાને સુરક્ષિત રીતે પાંજરે પકડીને જંગલ વિસ્તારમાં છોડવાની વ્યવસ્થા કરવામાં આવે જેથી માનવ વસાહત અને પશુધન પર કોઈ જોખમ ઊભું ન થાય. સાથે જ વિસ્તારમાં સતત પેટ્રોલિંગ અને દેખરેખ વધારવાની પણ માંગ કરવામાં આવી છે.

સોશિયલ મીડિયા પર  ચર્ચાનો વિષય

દીપડાનો વીડિયો સોશિયલ મીડિયામાં વાયરલ થતાં સમગ્ર વિસ્તારમાં આ ઘટનાની ચર્ચા ચાલી રહી છે. સ્થાનિકો એકબીજાને સતર્ક રહેવા અને રાત્રિના સમયે એકલા બહાર ન નીકળવા અપીલ કરી રહ્યા છે.

 આ પણ વાંચોઃ Kheda જીલ્લામાં વરસાદ બાદ પણ જળબંબાકારની સ્થિતિ, હજારો વિઘા ખેતરો પાણીમાં ગરકાવ, ખેડૂતોને મોટું નુકસાન