સુરેન્દ્રનગરને કેન્દ્રીય મંત્રી મનસુખભાઇ માંડવીયાની મોટી ભેટ: વઢવાણ GIDC માં શરૂ થશે ESI ડિસ્પેન્સરી

આ મુલાકાત દરમિયાન વઢવાણ જીઆઈડીસી (Wadhwan GIDC) ખાતે શ્રમિકોના હિત માટે એક મોટો લોકાર્પણ કાર્યક્રમ યોજાશે. કેન્દ્રીય મંત્રીના હસ્તે વઢવાણ GIDC માં નવનિર્મિત ESI ડિસ્પેન્સરી (ESI Dispensary) નું ભવ્ય ઉદ્ઘાટન કરવામાં આવશે. આ સુવિધા શરૂ થવાથી સ્થાનિક કારખાનાઓ અને ઉદ્યોગોમાં કામ કરતા હજારો શ્રમિકોને મોટી રાહત થશે.

આરોગ્ય કેન્દ્રની સાથે નવી બ્રાંચ ઓફિસનું પણ મંત્રીના હસ્તે થશે લોકાર્પણ

આ પ્રસંગે માત્ર ડિસ્પેન્સરી જ નહીં, પરંતુ શ્રમિકોના વહીવટી કાર્યોને વેગ આપવા માટે એક નવી બ્રાંચ ઓફિસનું પણ કેન્દ્રીય મંત્રીના હસ્તે ઉદ્ઘાટન કરવામાં આવશે. આ અદ્યતન ડિસ્પેન્સરી શરૂ થવાના કારણે GIDC માં રાત-દિવસ મહેનત કરતા ગરીબ અને મધ્યમ વર્ગના કામદારોને કોઈ પણ આકસ્મિક સ્થિતિમાં ખૂબ જ સરળતાથી અને નજીકના અંતરે તબીબી સારવાર મળી રહેશે. શ્રમિકોને સામાન્ય બીમારીથી લઈને પ્રાથમિક સારવાર માટે હવે લાંબે સુધી ધક્કા ખાવા નહીં પડે.

સરકારની લોકકલ્યાણકારી આરોગ્ય યોજનાઓનો સીધો લાભ શ્રમિક પરિવારોને મળશે

આ નવીન વ્યવસ્થાના કારણે શ્રમિકોને ભારત સરકારની વિવિધ આરોગ્યલક્ષી સેવાઓ અને કલ્યાણકારી યોજનાઓ (Government Schemes) નો સીધો લાભ મળશે. શ્રમિકો અને તેમના પરિવારોનું સ્વાસ્થ્ય સુરક્ષિત બને તે દિશામાં આ એક મોટું કદમ છે. આ હાઈ-પ્રોફાઈલ ઉદ્ઘાટન પ્રસંગે સુરેન્દ્રનગરના સ્થાનિક સાંસદ અને વિવિધ મતવિસ્તારના ધારાસભ્યો સહિત ભાજપના અગ્રણી નેતાઓ અને વહીવટી અધિકારીઓ પણ વિશેષ રૂપે હાજર રહેશે.

આ પણ વાંચો: મિશન 2027: ચૂંટણી જીતવા માટે ભાજપ યુવા મોરચાએ અત્યારથી જ કમર કસી!