Surendranagar News: સાયલામાં બોગસ ડોક્ટર ઝડપાયો, પાનની દુકાનમાં ક્લિનિક, 68 હજારથી વધુનો મુદ્દામાલ જપ્ત, મોટાભાગની દવાઓ એક્સપાયરી ડેટવાળી

પાનની દુકાનમાં ધમધમતું હતું દવાખાનું

પોલીસ તપાસમાં ચોંકાવનારી વિગતો બહાર આવી છે કે, આરોપી કમલેશ લડવા ઈશ્વરીયા ગામની પ્રાથમિક શાળા નજીક આવેલી 'કિસાન પાન' નામની દુકાનમાં જ ક્લિનિક ચલાવતો હતો. ડિગ્રી વગરનો આ શખ્સ પાનની દુકાનમાં બેસીને ગરીબ અને ભોળા ગ્રામજનોને એલોપેથી દવાઓ આપી સારવાર કરતો હતો, જે ગંભીર ગુનો છે.

68 હજારથી વધુનો મુદ્દામાલ જપ્ત, મોટાભાગની દવાઓ એક્સપાયરી ડેટવાળી

સાયલા પોલીસે ક્લિનિક પર દરોડો પાડી તપાસ કરતા ત્યાંથી અંદાજે રૂ. 68,234 ની કિંમતની વિવિધ એલોપેથી દવાઓ, તબીબી સારવારના સાધનો અને મેડિકલ વેસ્ટ મળી આવ્યો હતો. સૌથી ચિંતાજનક બાબત એ છે કે, ક્લિનિકમાંથી મળી આવેલી મોટાભાગની દવાઓ 'એક્સપાયરી ડેટ' વાળી હતી. આટલી મોટી સંખ્યામાં એક્સપાયરી દવાઓ મળતા આસપાસના રહીશોમાં પણ આક્રોશ જોવા મળ્યો છે.

પોલીસે આરોપી કમલેશ લડવા વિરુદ્ધ કાયદેસરની કાર્યવાહી હાથ ધરીને સમગ્ર મુદ્દામાલ કબજે કર્યો છે. ગ્રામ્ય વિસ્તારોમાં ડિગ્રી વગરના આવા બોગસ ડોક્ટરો સામે વહીવટી તંત્ર કડક કાર્યવાહી કરે તેવી લોકમાંગ ઉઠી છે.

આ પણ વાંચો:Amreli News:ગીર પૂર્વમાં વધુ એક સિંહનું મોત, ખાંભા-તુલસીશ્યામ રેન્જમાંથી મળી આવ્યો કોહવાયેલો મૃતદેહ