ચોટીલામાં 3 દીકરીઓ ભાગી જતા Koli Thakor Samaj માં આક્રોશ, નાયબ કલેક્ટર સહિત પોલીસ સ્ટેશનમાં ઉગ્ર રજૂઆત

છેલ્લા પાંચ મહિનામાં ત્રણ દીકરીઓ ભાગી જવાની ઘટના

પ્રાપ્ત વિગતો અનુસાર છેલ્લા 5 મહિનાની અંદર કોળી ઠાકોર સમાજની  3 દીકરીઓ અન્ય સમાજના યુવકો સાથે ભાગીને લગ્ન કરી ચૂકી છે. આમાંથી એક દીકરી તો ત્રણ સંતાનોના પિતા સાથે ભાગી ગઈ હોવાનું પણ સામે આવ્યું છે. આ ઘટનાઓને કારણે સમાજમાં રોષ ફેલાયો છે અને દીકરીની માતાના હૃદયદ્રાવક રૂદનના દ્રશ્યો પણ સામે આવ્યા છે, જેના કારણે સમગ્ર વાતાવરણ ગરમાયું છે.

કલેક્ટર કચેરીએ ઉગ્ર રજૂઆત અને આવેદનપત્ર

સમાજના અગ્રણીઓ અને મોટી સંખ્યામાં ઉપસ્થિત મહિલાઓ તેમજ પુરુષોએ આક્ષેપ કર્યો છે કે તેમની દીકરીઓને લલચાવી અને ફોસલાવીને ભગાડી જવામાં આવી છે. આ ગંભીર મુદ્દે ડેપ્યુટી કલેક્ટરને આવેદનપત્ર પાઠવીને કડક રજૂઆત કરવામાં આવી છે. સાથે સાથે ચોટીલા પોલીસ સ્ટેશમાં પણ રજૂઆત કરવામાં આવી છે. સમક્ષ માગ કરવામાં આવી છે કે ભગાડી ગયેલી તમામ દીકરીઓને તાત્કાલિક ધોરણે શોધીને હેમખેમ પરત લાવવામાં આવે અને આ મામલે જવાબદારો સામે યોગ્ય કાર્યવાહી કરવામાં આવે.

આ પણ વાંચોઃ Koli Samaj Sammelan : દિલ્હી-બોટાદમાં બે સંમેલનથી કોળી સમાજમાં ગરમાયું રાજકારણ, બે જૂથ આમને-સામનેની ચર્ચા તેજ