અંતિમ શ્વાસ સુધી આપી લડત

રિંકુ સિંહના પિતા ખાનચંદ્ર સિંહ (Khanchandra Singh) છેલ્લા કેટલાક સમયથી સ્ટેજ-4 લિવર કેન્સર (Liver cancer) જેવી જીવલેણ બીમારીથી પીડાતા હતા. તેમની હાલત નાજુક જણાતા તેમને ગ્રેટર નોઈડાની યથાર્થ હોસ્પિટલ (Yatharth Hospital) માં દાખલ કરવામાં આવ્યા હતા. હોસ્પિટલના PRO દ્વારા મળતી સત્તાવાર માહિતી મુજબ, તેમને વેન્ટિલેટર સપોર્ટ અને ક્રિટિકલ કેર યુનિટ (CCU) માં રાખવામાં આવ્યા હતા. તબીબોના અથાગ પ્રયત્નો અને રેનલ રિપ્લેસમેન્ટ થેરાપી છતાં તેમની તબિયતમાં સુધારો ન થયો અને 27 ફેબ્રુઆરીએ સવારે 5 વાગ્યે તેમણે અંતિમ શ્વાસ લીધા હતા.

 

View this post on Instagram

 

A post shared by Rinku 🧿🇮🇳 (@rinkukumar12)

વ્યાવસાયિક ફરજ અને પારિવારિક વેદના વચ્ચે Rinku Singh

એક તરફ દેશ માટે રમવાની જવાબદારી અને બીજી તરફ પિતાની કથળતી જતી તબિયત; રિંકુ સિંહ અત્યારે અત્યંત મુશ્કેલ સમયમાંથી પસાર થઈ રહ્યા છે. T20 World Cup જેવી મહત્વની ટુર્નામેન્ટ ચાલતી હોવા છતાં, પિતાની ગંભીર હાલતના સમાચાર મળતા જ રિંકુ તાત્કાલિક ચેન્નાઈથી દિલ્હી પોતાના પરિવાર પાસે દોડી ગયા હતા. જોકે, પિતા પ્રત્યેના પ્રેમની સાથે રમત પ્રત્યેની નિષ્ઠા જાળવી રાખી તેઓ ગુરુવારે ઝિમ્બાબ્વે સામેની મેચ માટે ટીમમાં પરત ફર્યા હતા, પરંતુ શુક્રવારે સવારે પિતાના અવસાનના સમાચાર મળતા જ તેઓ અલીગઢ (Aligarh) જવા રવાના થયા છે.

After battling fourth-stage cancer, Cricketer Rinku Singh’s father breathed his last at Yatharth Hospital-Omega -1, Greater Noida (Uttar Pradesh) today at 5 am: Yatharth Hospital PRO

(File photo) pic.twitter.com/bqjSaz24wq

— ANI (@ANI) February 27, 2026

World Cup માં પ્રદર્શન પર અસર?

આ અંગત આઘાતની અસર ક્યાંકને ક્યાંક રિંકુ (Rinku Singh) ના તાજેતરના ફોર્મ પર પણ જોવા મળી છે. આ T20 World Cup માં રિંકુ સિંહ પોતાની ક્ષમતા મુજબનું પ્રદર્શન કરી શક્યા નથી. જોકે તેમને બેટિંગ માટે પૂરતી ઓવરો મળી નથી, તેમ છતાં પાકિસ્તાન સામેનો તેમનો ઝડપી બેટિંગ કરતો રોલ (4 બોલમાં 11 રન) આશાસ્પદ હતો. પરંતુ, યુએસએ અને નામિબિયા સામે તેઓ સસ્તામાં આઉટ થયા હતા. પિતાની માંદગીને કારણે માનસિક તણાવ વચ્ચે પણ તેઓ મેદાનમાં ફિલ્ડિંગ કરતા જોવા મળ્યા હતા, જે તેમની મજબૂત મનોસ્થિતિ દર્શાવે છે.

આગામી મેચોમાં અનિશ્ચિતતા

પિતાના નિધનને પગલે આગામી મેચોમાં રિંકુ સિંહ (Rinku Singh) રમશે કે કેમ તે અંગે હાલ અનિશ્ચિતતા છે. ઝિમ્બાબ્વે સામેની છેલ્લી મેચમાં પણ તેમના સ્થાને સંજુ સેમસનને તક આપવામાં આવી હતી. ભારતીય ટીમ મેનેજમેન્ટ અને સાથી ખેલાડીઓએ રિંકુને આ કપરા સમયમાં પૂરેપૂરો ટેકો આપ્યો છે.

આ પણ વાંચો :  T20 World Cup: રિંકુ સિંહ અચાનક ટીમ છોડી ઘરે રવાના, જાણો શું છે કારણ