T20 World Cup : "રુલાએગા ક્યા પગલે?" જીત બાદ સંજુ અને સૂર્યા વચ્ચેનો વીડિયો થયો વાયરલ

T20 World Cup માં સંજુએ કોહલીનો રેકોર્ડ તોડ્યો

સુપર-8 (Super-8) ના આ મહત્વપૂર્ણ મુકાબલામાં સેમસને માત્ર 50 બોલમાં 97* રન બનાવ્યા હતા. આ સાથે જ તેને T20 વર્લ્ડ કપના ઇતિહાસમાં સફળ રનચેઝ દરમિયાન ભારત માટે સૌથી મોટી ઇનિંગ રમવાનો વિરાટ કોહલી (Virat Kohli) નો વર્ષો જૂનો રેકોર્ડ તોડી નાખ્યો છે. છેલ્લા કેટલાક સમયથી ફોર્મ અને ટીમમાં સ્થાનને લઈને સંઘર્ષ કરી રહેલા સેમસને આ મેચમાં ધૈર્ય અને આક્રમકતાનું અદભૂત પ્રદર્શન બતાવ્યું હતું.

આ પણ વાંચો : T20 World Cup 2026: જો સેમિફાઇનલમાં વરસાદ પડશે તો કઈ ટીમ ફાઇનલમાં પહોંચશે? જાણો ICC ના ખાસ નિયમો

સૂર્યાએ નમીને કર્યું સન્માન

મેચ બાદ ડ્રેસિંગ રૂમનો એક વીડિયો સોશિયલ મીડિયા (Social Media) પર વાયરલ થઈ રહ્યો છે. જ્યારે સંજુ વિનિંગ શોટ ફટકારી પરત ફરી રહ્યો હતો, ત્યારે કેપ્ટન સૂર્યકુમાર યાદવે (Suryakumar Yadav) પોતાની કેપ ઉતારીને ઝુકીને તેને સલામી આપી હતી. આ ક્ષણે સંજુએ રમુજી અંદાજમાં કહ્યું, "રુલાએગા ક્યા પગલે?" (Radavshe ke shu?).

 

View this post on Instagram

 

A post shared by Team India (@indiancricketteam)

કેપ્ટનનો અતૂટ વિશ્વાસ

BCCI દ્વારા શેર કરાયેલા વીડિયોમાં સૂર્યાએ જણાવ્યું કે, "સારા માણસો સાથે યોગ્ય સમયે સારી વસ્તુઓ થાય છે. સંજુએ સાબિત કર્યું કે ટીમની જરૂરિયાત વ્યક્તિગત સ્કોર કરતા વધુ મહત્વની છે." હવે ભારતનો સામનો 5 માર્ચના રોજ મુંબઈના વાનખેડે સ્ટેડિયમ (Wankhede Stadium) ખાતે ઈંગ્લેન્ડ (England) સામે સેમીફાઈનલમાં થશે.

આ પણ વાંચો : Pakistan Cricket : 50 લાખના દંડને આફ્રિદીએ ગણાવ્યો 'નાની સોચ'