ICC T20 World Cup 2026 ફાઈનલ, વિજેતા ટીમ પર થશે કરોડોનો વરસાદ, જાણો કોને કેટલા પૈસા મળશે
- ICC T20 World Cup ની ટ્રોફી સાથે વરસશે કરોડો રૂપિયા!
- અમદાવાદમાં રમાશે ભારત અને ન્યૂઝીલેન્ડ વચ્ચે ફાઈનલ જંગ
- વિજેતા ટીમના ખાતામાં આવશે અંદાજે ₹27.48 કરોડની રકમ
- ICC એ ઈનામી રાશિમાં કર્યો 20 ટકાનો રેકોર્ડબ્રેક વધારો
- હારનારી રનર-અપ ટીમને પણ મળશે ₹14.65 કરોડનું ઇનામ
- સેમીફાઈનલ અને સુપર-8 ની ટીમો પર પણ થશે ધનવર્ષા
આઈસીસી ટી20 વર્લ્ડ કપ 2026 (ICC T20 World Cup 2026) હવે તેના નિર્ણાયક તબક્કે પહોંચી ગયો છે. અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે 8 માર્ચે ભારત અને ન્યૂઝીલેન્ડ (India vs New Zealand) વચ્ચે રમાનારી ફાઈનલ મેચમાં માત્ર ટ્રોફી જ નહીં, પરંતુ કરોડો રૂપિયાની ઇનામી રાશિ (Prize Money) પણ દાવ પર લાગી છે. આ વર્ષે આઈસીસીએ ઇનામી રકમમાં રેકોર્ડબ્રેક વધારો કરીને ક્રિકેટ જગતને ચોંકાવી દીધું છે.
ICC T20 World Cup નું રેકોર્ડ સ્તરે પહોંચ્યું પ્રાઈઝ પૂલ
ICC દ્વારા આ વખતે કુલ 13.5 મિલિયન ડોલર એટલે કે આશરે 120 કરોડ રૂપિયાથી વધુનું કુલ ઇનામ જાહેર કરવામાં આવ્યું છે. જે 2024ના વર્લ્ડ કપ કરતા લગભગ 20 ટકા વધુ છે. ભારત અને શ્રીલંકામાં આયોજિત આ ટૂર્નામેન્ટમાં બ્રોડકાસ્ટિંગ અને સ્પોન્સરશિપ દ્વારા થયેલી જંગી કમાણીને કારણે આ રકમ વધારવામાં આવી છે.
🎤 The stage keeps getting bigger!
Joining Global Superstar Ricky Martin at the Closing Ceremony before the #T20WorldCup Final are music icons Sukhbir and Falguni Pathak!Get ready for global hits and desi anthems as these legendary artists light up the biggest night in cricket.… pic.twitter.com/8kMK7yg31b
— ICC (@ICC) March 7, 2026
કોના ખાતામાં કેટલા કરોડ?
ટૂર્નામેન્ટ જીતનારી વિજેતા ટીમ (Winner) ને 3 મિલિયન ડોલર એટલે કે આશરે 27.48 કરોડ રૂપિયા આપવામાં આવશે. જ્યારે ફાઈનલમાં હારનારી રનર-અપ (Runner-up) ટીમને પણ 1.6 મિલિયન ડોલર એટલે કે અંદાજે 14.65 કરોડ રૂપિયા મળશે. આ સિવાય સેમીફાઈનલમાં હારનારી ટીમોને 7.24 કરોડ રૂપિયા અને સુપર-8માં પહોંચેલી ટીમોને 3.48 કરોડ રૂપિયાનું ઇનામ મળશે.
ક્રિકેટના ઇતિહાસમાં આ સૌથી મોટું ઇનામી માળખું છે, જે દર્શાવે છે કે ટી20 ક્રિકેટનો વ્યાપ અને આર્થિક મૂલ્ય સતત વધી રહ્યું છે. હવે જોવાનું એ રહેશે કે અમદાવાદના મેદાનમાં કઈ ટીમ ચેમ્પિયન બનીને આ માતબર રકમ અને ગૌરવશાળી ટ્રોફી પોતાના નામે કરે છે.
ક્રિકેટ ઇતિહાસમાં નવો રેકોર્ડ
આમ, T20 વર્લ્ડ કપ 2026 માટેની ઇનામી રકમે ક્રિકેટ ઇતિહાસમાં એક નવો રેકોર્ડ બનાવ્યો છે. આ સ્પષ્ટપણે T20 ક્રિકેટના વધતા વ્યવસાયને દર્શાવે છે, અને ICC ટુર્નામેન્ટને વધુ મોટી બનાવવા માટે પ્રયત્નશીલ છે. હવે બધાની નજર અમદાવાદમાં રમાનાર ફાઇનલ મેચ પર ટકેલી છે, જ્યાં ભારત અને ન્યુઝીલેન્ડ વચ્ચે માત્ર ટ્રોફી માટે જ નહીં પરંતુ કરોડોની ઇનામી રકમ માટે પણ કઠિન સ્પર્ધા જોવા મળશે.
આ પણ વાંચો : India vs New zealand head-to-head : ટીમ ઈન્ડિયા માટે ફાઈનલ જીતવી સહેલી નહીં હોય, જાણો શું છે કારણ