T20 World Cup : સેમિફાઇનલમાં Sanju Samson એ રન વરસાવ્યા !
- T20 World Cup અંતર્ગત આજે ભારત અને ઇંગ્લેન્ડ વચ્ચે સેમિફાઇન્સ
- સેમિફાઇનલમાં સંજુ સેમસનના બેટથી ભારે ફટકાબાજી થઇ ગઇ
- સૌથી ઓછા બોલમાં અડધી સદી ફટકારીને રેકોર્ડ બનાવ્યો
T20 World Cup : થોડા દિવસો પહેલા સુધી, સંજુ સેમસન ટીમ ઈન્ડિયાની (Sanju Samson - Team India) પ્લેઈંગ ઈલેવનમાં પણ ફિટ બેસતો ન હતો. T20 વર્લ્ડ કપની (T20 World Cup) શરૂઆતની મેચો માટે તેનો ટીમમાં સમાવેશ કરવામાં આવ્યો ન હતો. કેપ્ટન સૂર્યકુમાર યાદવે (Caption Suryakumar Yadav) એક પ્રેસ કોન્ફરન્સમાં પૂછ્યું હતું કે, તે સેમસનની જગ્યાએ અભિષેક શર્મા, અથવા તિલક વર્માને લઈ શકે છે. પરંતુ સુપર 8 રાઉન્ડમાં હારથી બધું બદલાઈ ગયું. સેમસનને ટીમમાં સામેલ કરવામાં આવ્યો, અને તે પછી, બેટ્સમેને પોતાની ક્ષમતા સાબિત કરી છે. સુપર 8 માં ટીમ ઈન્ડિયા માટે મેચ જીતનારી ઇનિંગ્સ રમ્યા પછી, સેમસને સેમિફાઇનલમાં પણ પોતાની ક્ષમતા બતાવી, વિસ્ફોટક અડધી સદી ફટકારી છે.
View this post on Instagram
આ પણ વાંચો -------- T20 World Cup ના ઈતિહાસનો સૌથી ઝડપી સદીનો રેકોર્ડ નોંધાયો , ક્રિસ ગેલનો વર્ષ 2016 નો 47 બોલનો રેકોર્ડ ફિન એલને તોડ્યો
T20 World Cup, યાદગાર જીત અપાવી
5 માર્ચે, મુંબઈના વાનખેડે સ્ટેડિયમ ખાતે, ભારતીય ટીમ વર્લ્ડ કપની બીજી સેમિફાઇનલમાં ઈંગ્લેન્ડ સામે પ્રથમ બેટિંગ કરવા ઉતરી છે. ટીમ ઈન્ડિયા ફરી એકવાર અભિષેક શર્માથી નિરાશ થઈ છે, જે ફક્ત 9 રન બનાવીને આઉટ થયો છે. પરંતુ બધાની નજર ફરી એકવાર સેમસન પર છે, જેણે અગાઉ અણનમ 97 રનની ઇનિંગ રમીને ટીમને વેસ્ટ ઇન્ડીઝ સામે યાદગાર વિજય અપાવ્યો હતો. સેમસન એ જ ભાવનાથી પોતાની ઇનિંગ ચાલુ રાખી, અને ઇંગ્લેન્ડની બોલિંગને બરબાદ કરી દીધી છે.
T20 World Cup, ભારત માટે બીજી સૌથી ઝડપી અડધી સદી ફટકારી
દરમિયાન સેમિફાઇનલ્સમાં સેમસનને મોટી રાહત મળી જ્યારે ઇંગ્લેન્ડના કેપ્ટન હેરી બ્રુકે એક સરળ કેચ છોડી દીધો હતો, તે સમયે તે ફક્ત 14 રન પર હતો. બાદમાં તેણે ઇંગ્લેન્ડને વધુ કોઈ તક આપી ન હતી, તેણે ફક્ત 26 બોલમાં અડધી સદી ફટકારી છે. આ વર્લ્ડ કપમાં આ તેની સતત બીજી અડધી સદી છે. વધુમાં, તે T20 વર્લ્ડ કપના નોકઆઉટ મેચમાં ભારત માટે બીજી સૌથી ઝડપી અડધી સદી પણ હતી. 2007 વર્લ્ડ કપમાં ઓસ્ટ્રેલિયા સામે ફક્ત યુવરાજ સિંહ (20 બોલ) એ જ ઝડપી રન બનાવ્યા હતા.
પહેલી ઓવરમાં સિક્સર ફટકારી
પરંતુ તેની અડધી સદી સુધી પહોંચતા પહેલા પણ, સેમસને કંઈક એવું હાંસલ કર્યું, જે T20 વર્લ્ડ કપના ઇતિહાસમાં કોઈ અન્ય ભારતીય બેટ્સમેન હાંસલ કરી શક્યો નથી. તેણે મેચની પહેલી ઓવરમાં છગ્ગો ફટકાર્યો, અને વર્લ્ડ કપમાં ત્રીજી વખત આ સિદ્ધિ મેળવી છે. તેણે નામિબિયા સામેની મેચની પહેલી ઓવરમાં રુબેન ટ્રમ્પેલમેનના બોલ પર સિક્સર ફટકારી હતી, અને પછી સુપર 8માં ઝિમ્બાબ્વે સામેની પહેલી ઓવરમાં રિચાર્ડ નગારવાના બોલ પર સિક્સર ફટકારી હતી. સેમિફાઇનલમાં, તેણે જોફ્રા આર્ચર સામે આ સિદ્ધિ મેળવી હતી. આમ, તે ત્રણ T20 વર્લ્ડ કપ મેચની પહેલી ઓવરમાં સિક્સર ફટકારનાર પ્રથમ ભારતીય બેટ્સમેન બન્યો.
આ પણ વાંચો ------- IND vs ENG Live Score : ભારતનો સ્કોર 4 વિકેટે 200 ને પાર શિવમ દુબે અને હાર્દિક પંડ્યા ક્રિઝ પર, સેમસન સદી ચૂકી ગયો