T20 World Cup : Sri Lanka એ Australia ને પછાડ્યું, સુપર-8 માં એન્ટ્રી
- T20 World Cup માં આજે શ્રીલંકા અને ઓસ્ટ્રેલિયા વચ્ચે મેચ રમાઇ
- શ્રીલંકાએ પહેલા બોલિંગ કરી, કાંગારૂઓનું લક્ષ્ય સરળતાથી મેળવ્યું
- સતત બીજી હારના કારણે કાંગારૂઓ વર્લ્ડ કપમાંથી ફેંકાઇ જવાની કગાર પર
T20 World Cup : પલ્લેકેલે ઇન્ટરનેશનલ ક્રિકેટ સ્ટેડિયમ ખાતે ઓસ્ટ્રેલિયા (Australia) અને શ્રીલંકા (Sri Lanka) વચ્ચે T20 વર્લ્ડ કપ 2026 (T20 World Cup) ની 30મી મેચ રમાઈ હતી. પથુમ નિસાન્કાની અણનમ (Pathum Nissanka) સદીને કારણે શ્રીલંકાએ કાંગારૂઓને હરાવ્યા હતા. આ જીતથી શ્રીલંકાએ સુપર 8 સ્ટેજમાં પ્રવેશ કર્યો છે. અગાઉ, ભારત, દક્ષિણ આફ્રિકા, વેસ્ટ ઈન્ડિઝ અને ઈંગ્લેન્ડ પહેલાથી જ સુપર 8 સ્ટેજ માટે ક્વોલિફાય થઈ ચૂક્યા છે.
View this post on Instagram
T20 World Cup, કાંગારૂઓ પાસે 3 મેચમાં ફક્ત 2 પોઈન્ટ
આ મેચમાં, શ્રીલંકાએ ટોસ જીતીને પ્રથમ બોલિંગ કરવાનો નિર્ણય લીધો હતો, અને ઓસ્ટ્રેલિયાએ 20 ઓવરમાં 181 રન બનાવ્યા હતા. જવાબમાં, શ્રીલંકાએ 18 ઓવરમાં 2 વિકેટે 184 રન બનાવીને મેચ જીતી લીધી હતી. આ હારથી કાંગારૂઓ T20 વર્લ્ડ કપ 2026 માંથી બહાર થવાના ભયમાં મુકાઈ ગયા છે. આ જીત સાથે, શ્રીલંકાના 6 પોઈન્ટ છે, જ્યારે સતત બે હાર બાદ, કાંગારૂઓ પાસે 3 મેચમાં ફક્ત 2 પોઈન્ટ છે. નિસાન્કાને પ્લેયર ઓફ ધ મેચ જાહેર કરવામાં આવ્યો હતો.
આ પણ વાંચો -------Pakistani Supporters ના દિલની વાત મોંઢે આવી, કહ્યું, 'ઇન્ડિયા જીતેગા !'
T20 World Cup, ટિમ ડેવિડનું બેટ નિષ્ફળ ગયું
હેડે આઉટ થતાં પહેલા 29 બોલમાં 56 રન બનાવ્યા હતા. કેમેરોન ગ્રીન 3 રન બનાવીને આઉટ થયા, જ્યારે માર્શે 54 રન બનાવીને આઉટ થયા પછી 25 બોલમાં પોતાની અડધી સદી પૂર્ણ કરી હતી. ટિમ ડેવિડનું બેટ નિષ્ફળ ગયું હતું, અને તે 6 રન બનાવીને આઉટ થયો હતો. આઉટ થયા પહેલાં ગ્લેન મેક્સવેલે 22 રન બનાવ્યા હતા. જોશ ઈંગ્લિશ 27 રન બનાવીને આઉટ થયા, જ્યારે કૂપર કોલોની 3 રન બનાવીને આઉટ થયા હતા. દુશાન હેમંથાએ સૌથી વધુ 3 વિકેટ લીધી હતી, જ્યારે ચમીરાએ 2 વિકેટ લીધી હતી.
પથુમ નિસાન્કાએ 100 રન બનાવ્યા
કુસલ પરેરા 1 રન બનાવીને આઉટ થયો હતો, જ્યારે કુસલ મેન્ડિસ 51 રન બનાવીને આઉટ થયો હતો. ત્યારબાદ પથુમ નિસાન્કાએ અણનમ 100 રન બનાવ્યા, જ્યારે પવન રત્નાયકે અણનમ 28 રન બનાવીને શ્રીલંકાને 8 વિકેટથી સરળ વિજય અપાવ્યો હતો. નિસાન્કાએ આ T20 વર્લ્ડ કપ સીઝનની પ્રથમ સદી ફટકારી, તેમજ T20 વર્લ્ડ કપમાં શ્રીલંકા માટે પ્રથમ સદી ફટકારી છે. T20 વર્લ્ડ કપમાં ઓસ્ટ્રેલિયા સામે આ પ્રથમ સદી પણ હતી.
આ પણ વાંચો ------ Pakistani Supporters ના દિલની વાત મોંઢે આવી, કહ્યું, 'ઇન્ડિયા જીતેગા !'