T20 World Cup : અંત સુધી રસાકસી બાદ ભારતની જીત
T20 World Cup અંતર્ગત આજે ભારત અને વેસ્ટ ઇન્ડિઝન વચ્ચે મેચ રમાઇ છે, આ મેચમાં ટીમ ઇન્ડિયાની બોલિંગમાં જસપ્રીત બુમરાહ ભારત માટે સૌથી સફળ બોલર હતો. તેણે પોતાની ચાર ઓવરમાં 36 રન આપીને બે વિકેટ લીધી હતી. તેમના સિવાય, હાર્દિક પંડ્યાએ 4 ઓવરમાં 40 રન આપીને 1 વિકેટ લીધી. વરુણે પણ 4 ઓવરમાં 40 રન આપીને 1 વિકેટ લીધી હતી.
Advertisement
- T20 World Cup અંતર્ગત આજે ભારત અને વેસ્ટ ઇન્ડિઝન વચ્ચે મેચ રમાઇ
- ભારે રસાકસીના અંતે ભારતે આ મેચ જીતીને સેમિફાઇનલમાં સ્થાન જમાવ્યું
- ગતરોજ પાકિસ્તાન મેચ જીત્યા બાદ પણ સેમિફાઇનલની રેસમાંથી બહાર થયું છે
T20 World Cup : T20 વર્લ્ડ કપ 2026 માં ભારત સામે પ્રથમ બેટિંગ કરતા, વેસ્ટ ઇન્ડીઝે 20 ઓવરમાં 195 રન બનાવીને ભારત સામે 196 રનનું લક્ષ્ય મુક્યું હતું. છેલ્લી ઓવર સુધી રસાકસીના અંતે ભારતે જીત મેળવી છે, ભારતે છેલ્લા બોલ પર 4 મારીને 199 રન બનાવ્યા છે, આ જીત સાથે ભારતે વર્લ્ડ કપના સેમિફાઇનલમાં એન્ટ્રી લઇ લીધી છે. જેને લઇને દેશભરમાં આ જીતને વધાવવામાં આવી રહી છે. વેસ્ટ ઇન્ડીઝ તરફથી રોસ્ટન ચેઝે સૌથી વધુ 40 રન બનાવ્યા હતા, કેપ્ટન શાઈ હોપે 32 અને રોવમેન પોવેલે માત્ર 19 બોલમાં 34 રન બનાવ્યા હતા, જેસન હોલ્ડર છેલ્લા સ્થાને આવ્યો, અને તેણે 22 બોલમાં બે ચોગ્ગા અને ત્રણ છગ્ગા સાથે 37 રન બનાવ્યા હતા, આજની મેચ કોલકાતાના ઇડન ગાર્ડન્સ ખાતે રમાઇ હતી.