T20 World Cup : Washington Sundar અંગે ઉતાવળ નહીં, CoE પર નજર

• T20 World Cup માં ભારતીય ટીમને લઇને મોટી અપડેટ સામે આવી
• વોશિંગ્ટન સુંદરના રમવા અંગેના નિર્ણય અંગે ઉતાવળ નહીં
• હાલ ઓલરાઉન્ડર ખેલાડી સેન્ટર ઓફ એક્સેલન્સમાં આરામ હેઠળ છે

T20 World Cup : T20 વર્લ્ડ કપ 2026 શરૂ થવામાં બે દિવસ બાકી છે, પરંતુ વોશિંગ્ટન સુંદર ભારતીય ટીમમાં ક્યારે જોડાશે તે અંગે હજુ સુધી કોઈ માહિતી નથી. સુંદરને જાન્યુઆરીમાં ન્યુઝીલેન્ડ સામેની ODI શ્રેણી દરમિયાન ઈજા થઈ હતી. તે સાઈડ સ્ટ્રેનથી પીડાઈ રહ્યો હતો, અને તે હાલમાં બેંગલુરુમાં સેન્ટર ઓફ એક્સેલન્સ (CoE) ખાતે રિહેબિલિટેશન હેઠળ છે. એવા સંકેતો મળી રહ્યા છે કે, ભારતીય ક્રિકેટ ટીમના પસંદગીકારો વોશિંગ્ટન સુંદરના ફિટ થવાની રાહ જોવા માટે તૈયાર છે. પસંદગી સમિતિ હાલમાં કોઈ રિપ્લેસમેન્ટ પર વિચાર કરી રહી નથી.

 

View this post on Instagram

 

A post shared by Washington Sundar (@washisundar555)

સુંદર ટુર્નામેન્ટ માટે ફિટ થાય તેવી આશા (T20 World Cup)

અહેવાલ મુજબ પસંદગીકારો CoE તરફથી વધુ માહિતીની રાહ જોઈ રહ્યા છે. વોશિંગ્ટન સુંદર ભારતીય ટીમની T20 વર્લ્ડ કપ યોજનાનો ભાગ છે. સુંદર દક્ષિણ આફ્રિકા સામે T20 વર્લ્ડ કપ 2026 વોર્મ-અપ મેચનો ભાગ નહોતો. તેની પાસે ફિટ થવા માટે વધુ સમય છે. જો કે, ટીમ મેનેજમેન્ટ અને પસંદગીકારો કેટલો સમય રાહ જોશે તે સ્પષ્ટ નથી, પરંતુ તેઓ હાલમાં તમિલનાડુના ઓલરાઉન્ડરને બદલવાનું વિચારી રહ્યા નથી. સુંદર અંગે અંતિમ નિર્ણય COEના ટ્રેનર અને ફિઝિયો સાથે પરામર્શ કરીને લેવામાં આવશે. તેવી આશા છે કે, સુંદર ટુર્નામેન્ટ માટે ફિટ થઈ જશે.

આ પણ વાંચો ------"અમે લાચાર છીએ": ભારત સામે મેચ ન રમવા પાકિસ્તાને કોર્ટના કયા નિયમનો સહારો લીધો?

વડોદરામાં દુધાવો ઉપડતા સ્કેન કરાવ્યું (T20 World Cup)

ગયા મહિને ભારતની ન્યૂઝીલેન્ડ સામેની પહેલી વનડે દરમિયાન સુંદરને સાઇડ સ્ટ્રેનનો સામનો કરવો પડ્યો હતો અને ત્યારથી તે મેદાનની બહાર છે. તે સમયે, BCCI એ જણાવ્યું હતું કે, "11 જાન્યુઆરીએ વડોદરાના BCA સ્ટેડિયમમાં ન્યૂઝીલેન્ડ સામેની પહેલી વનડે દરમિયાન બોલિંગ કરતી વખતે વોશિંગ્ટન સુંદરને તેની નીચેની પાંસળીમાં અચાનક દુખાવો થયા બાદ તેનું સ્કેન કરાવવામાં આવ્યું હતું. ત્યારબાદ, તેણે નિષ્ણાત સાથે પરામર્શ કરાવ્યો હતો. અંતે તેને સાઇડ સ્ટ્રેન હોવાનું નિદાન થયું હતું, અને થોડા દિવસો આરામ કરવાની સલાહ આપી હતી. ત્યારબાદ તે તેની ઈજાની વધુ સારવાર માટે સેન્ટર ઓફ એક્સેલન્સ (COE) ને રિપોર્ટ કરશે."

હર્ષિત રાણા પર અપડેટ

અહેવાલમાં ફાસ્ટ બોલર હર્ષિત રાણાની ઈજા અંગે અપડેટ પણ આપ્યું હતું. રાણાને બુધવારે (4 ફેબ્રુઆરી) દક્ષિણ આફ્રિકા સામે T20 વર્લ્ડ કપ 2026 વોર્મ-અપ મેચમાં ઈજા થઈ હતી. તે માત્ર એક ઓવર બોલિંગ કર્યા પછી મેદાન છોડી ગયો હતો. BCCI અને પસંદગીકારો પાસે રાણાની ઈજાની ગંભીરતા અંગે કોઈ માહિતી નથી.

આ પણ વાંચો ----- સ્મૃતિ મંધાના અને પલાશ મુચ્છલના લગ્ન મંડપ સુધી પહોંચીને કેમ અટકી ગયા? જાણો તે રાત્રિના અજાણ્યા રહસ્યો