Tapi News: પહેલા વરસાદમાં જ નવા બ્રિજમાં પડ્યા મોટા ભૂવા, ભ્રષ્ટાચારના આક્ષેપથી ચકચાર

કામગીરી સામે ઉઠ્યા સવાલ

મળતી માહિતી અનુસાર, તાપી જિલ્લાના ડોલવણ (Dolvan) તાલુકાના ગડત ગામ પાસેથી પસાર થતા નેશનલ હાઈવે પર આ બ્રિજ આવેલો છે. ચોમાસાના પ્રથમ વરસાદે (First Rain) જ હાઈવે ઓથોરિટી દ્વારા કરવામાં આવેલા લાખો રૂપિયાના વિકાસકામો અને ગુણવત્તાના દાવાઓની હવા કાઢી નાખી છે. નવા બનેલા માઈનર બ્રિજ (Minor Bridge) પર પહેલા જ વરસાદમાં જમીન ધસી જતાં વહીવટી તંત્રમાં અને કોન્ટ્રાક્ટરની કામગીરી પર અનેક સવાલો ઉઠી રહ્યા છે.

બ્રિજની બંને બાજુ ભૂવા પડ્યા

મળતી જાણકારી અનુસાર  બ્રિજની બંને બાજુએ મસમોટા ભૂવા પડી ગયા છે. એપ્રોચ રોડની નીચેથી માટી ધોવાઈ જતાં રોડ હવામાં લટકી ગયો હોય તેવી સ્થિતિ સર્જાઈ છે. આ માર્ગ પરથી દરરોજ હજારો નાના-મોટા વાહનો તેમજ ભારે માલવાહક ટ્રકો પસાર થાય છે, જેને કારણે અહીં ગમે ત્યારે કોઈ મોટો અકસ્માત (Accident) થવાનો ભય સતત તોળાઈ રહ્યો છે. નેશનલ હાઇવે જેવી મહત્વની માળખાકીય સુવિધામાં પ્રથમ વરસાદે જ આવી દુર્દશા થતાં હાઈવેની ગુણવત્તાની તપાસ સામે ગંભીર સવાલો ઉભા થયા છે.

જોખમની ભીતી

સ્થાનિકનો આક્ષેપ છે કે હજું તો બ્રિજ નવો જ બન્યો છે, ત્યાં જ બંને બાજુથી રસ્તો બેસી ગયો છે. જો સામાન્ય વરસાદમાં આ હાલત હોય, તો આગામી સમયમાં ભારે વરસાદ દરમિયાન આખો બ્રિજ જોખમી સાબિત થઈ શકે છે.

આ પણ વાંચોઃ Tapi News: ઉચ્છલ નજીક નદીમાં ડૂબી જવાથી 28 વર્ષીય યુવકનું મોત