Tapi Rain : મેઘરાજાનું રૌદ્ર સ્વરૂપ,38 માર્ગો બંધ થતા ગ્રામીણ જનજીવન પ્રભાવિત

Tapi Rain : નદીઓમાં ઘોડાપૂરની સ્થિતિ

જિલ્લામાં વરસી રહેલા ધોધમાર વરસાદને કારણે તાપી જિલ્લામાંથી પસાર થતી મુખ્ય નદીઓ જેવી કે અંબિકા, પૂર્ણા, વાલ્મીકિ, મીંઢોળા અને ઝાંખરીમાં પાણીની ભારે આવક જોવા મળી રહી છે. નદીઓ બે કાંઠે વહેતી થતા આસપાસના ગ્રામ્ય વિસ્તારોમાં એલર્ટ આપવામાં આવ્યું છે.

ગ્રામીણ વિસ્તારોમાં ભારે હાલાકી

મુખ્ય માર્ગો અને કાચા રસ્તાઓ જળબંબાકાર થઈ જતા ગ્રામીણ લોકો માટે દૂધ, દવા જેવી જીવનજરૂરી સેવાઓ મેળવવી મુશ્કેલ બની છે. વાહન વ્યવહાર ખોરવાતા ખેડૂતો અને વિદ્યાર્થીઓને ભારે હાલાકી ભોગવવી પડી રહી છે. જિલ્લા વહીવટી તંત્ર દ્વારા બંધ રસ્તાઓ પરથી અવરજવર ન કરવા માટે ગ્રામજનોને સૂચના આપવામાં આવી છે. પાણી ઓસર્યા બાદ જ આ માર્ગો પર વાહન વ્યવહાર સામાન્ય થઈ શકશે. તંત્ર દ્વારા હાલ પરિસ્થિતિ પર સતત નજર રાખવામાં આવી રહી છે.

આ પણ વાંચો : Surat News : રેકોર્ડબ્રેક વરસાદના પગલે લીંબાયત વિસ્તાર પાણીમાં ગરકાવ, અસંખ્ય લોકોનું કરાયું રેસ્ક્યું