Tapi News: તાપી જિલ્લાના વાલોડ તાલુકાના ડોડકિયા ગામે એક હૃદયદ્રાવક ઘટના સામે આવી છે, જેમાં પાણીમાં તણાઈ જવાથી બે યુવકોના કમનસીબ મોત નીપજતા સમગ્ર વિસ્તારમાં શોકની લાગણી ફેલાઈ ગઈ છે. આ દુઃખદ ઘટના બાદ સ્થાનિક વહીવટીતંત્ર અને રાજકીય આગેવાનોએ મૃતક પરિવારો સાથે સંવેદના વ્યક્ત કરી છે.
Tapi ના ડોડકિયા ગામે તળાઈ જવાથી બે યુવકોના કરુણ મોત
પ્રાપ્ત માહિતી અનુસાર, વાલોડના ડોડકિયા ગામ વિસ્તારમાં બનેલી આ દુર્ઘટનામાં બે યુવકો પાણીના પ્રવાહમાં તણાઈ ગયા હતા. સ્થાનિકો દ્વારા તેમને બચાવવાના તમામ પ્રયાસો કરવામાં આવ્યા હતા, પરંતુ સમયસર મદદ ન મળતા બંને યુવકોએ જીવ ગુમાવ્યો હતો. આ ઘટનાને પગલે પરિવાર પર આભ તૂટી પડ્યું છે.
ધારાસભ્ય દ્વારા સરકારી સહાયનો ચેક અર્પણ
ઘટનાની જાણ થતા જ સ્થાનિક ધારાસભ્ય મોહનભાઈ ઢોડિયા તાત્કાલિક અસરથી મૃતકના પરિવારને સાંત્વના આપવા પહોંચ્યા હતા. તેમણે શોકગ્રસ્ત પરિવારને ધીરજ બંધાવી હતી અને મૃતકોને શ્રદ્ધાંજલિ અર્પણ કરી હતી. સરકાર તરફથી મળતી સહાયના ભાગરૂપે, ધારાસભ્ય મોહનભાઈ ઢોડિયાના હસ્તે મૃતકના પરિવારજનોને ચાર લાખ રૂપિયાનો સરકારી સહાયનો ચેક અર્પણ કરવામાં આવ્યો હતો.
આ કાર્યક્રમ દરમિયાન સ્થાનિક વહીવટી અધિકારીઓ પણ ખાસ ઉપસ્થિત રહ્યા હતા. ધારાસભ્યએ ખાતરી આપી હતી કે સરકાર આ કપરા સમયમાં પરિવારની સાથે છે અને શક્ય તમામ મદદ પૂરી પાડવામાં આવશે.
આ પણ વાંચો: Kapadvanj fireworks factory blast: 11 દિવસની નાસભાગ બાદ ફેક્ટરી માલિક મિતુલ ઝડપાયો, તપાસમાં થશે મોટા ખુલાસા
