સ્પોર્ટી લુક અને પાવરફુલ પરફોર્મન્સ: KTM 250 Duke હવે નવા અવતારમાં લોન્ચ, જાણો શું બદલાયું?
- KTM 250 Duke Launch : બાઇક પ્રેમીઓ માટે ખુશખબર
- MY2026 અપડેટ સાથે કંપનીએ બે નવા સ્પોર્ટી કલર્સ કર્યા લોન્ચ
- સિલ્વર મેટાલિક અને સ્લેટ ગ્રે શેડમાં જોવા મળશે આ પ્રીમિયમ બાઇક
- 249.7cc નું પાવરફુલ એન્જિન પંમ્પ આઉટ કરશે 30.5 bhp ની શક્તિ
- WP Apex USD ફોર્ક અને ટ્રેલિસ ફ્રેમ સાથે હાર્ડવેરમાં કોઈ ફેરફાર નહીં
KTM 250 Duke Launch : ભારતીય રસ્તાઓ પર પોતાની સ્પોર્ટી સ્ટાઇલ (Sporty Style) અને દમદાર પરફોર્મન્સ માટે જાણીતી KTM 250 Duke હવે એક નવા લુકમાં જોવા મળશે. કંપનીએ MY2026 અપડેટ (MY2026 Update) હેઠળ આ બાઇકને બે શાનદાર કલર ઓપ્શન સાથે માર્કેટમાં ઉતારી છે. જોકે કંપનીએ એન્જિનમાં કોઈ ફેરફાર કર્યો નથી, પરંતુ નવા કલર્સને કારણે બાઇકનો લુક અગાઉ કરતા વધુ આકર્ષક અને પ્રીમિયમ બની ગયો છે.
KTM 250 Duke Launch : બે નવા કલર, બમણી સ્ટાઇલ
2026 KTM 250 Duke હવે 'સિલ્વર મેટાલિક' (Silver Metallic) અને 'સ્લેટ ગ્રે' (Slate Grey) એમ બે નવા વિકલ્પોમાં ઉપલબ્ધ છે. સિલ્વર મેટાલિક શેડ બાઇકને ક્લાસી લુક આપે છે, જ્યારે સ્લેટ ગ્રે વેરિઅન્ટમાં KTM નો સિગ્નેચર ઓરેન્જ ટચ (Signature Orange Touch) જોવા મળે છે, જે યુવા રાઇડર્સને ખાસ આકર્ષશે. ટેન્ક એક્સટેન્શન અને ડાર્ક ફિનિશિંગને કારણે બાઇક રોડ પર અલગ જ તરી આવે છે.
એન્જિન અને હાર્ડવેર
બાઇકની મિકેનિકલ ક્ષમતા પહેલા જેવી જ જાળવી રાખવામાં આવી છે. તેમાં 249.7cc નું લિક્વિડ-કૂલ્ડ, સિંગલ-સિલિન્ડર એન્જિન (Single-Cylinder Engine) મળે છે, જે 30.5 bhp નો પાવર અને 25 Nm નો પીક ટોર્ક જનરેટ કરે છે. 6-સ્પીડ ગિયરબોક્સ સાથે આવતું આ એન્જિન ક્વિક એક્સિલરેશન માટે જાણીતું છે.
KTM માર્કેટમાં મચાવશે ધૂમ
હાર્ડવેરની વાત કરીએ તો, તેમાં મજબૂત ટ્રેલિસ ફ્રેમ (Trellis Frame) નો ઉપયોગ થયો છે. આગળના ભાગમાં WP Apex USD ફોર્ક અને પાછળના ભાગમાં મોનોશોક સસ્પેન્શન આપવામાં આવ્યું છે. સુરક્ષા માટે ફ્રન્ટમાં 320mm અને રિયરમાં 240mm ડિસ્ક બ્રેક (Disc Brake) ઉપલબ્ધ છે. આમ, દેખાવમાં તાજગી અને પર્ફોર્મન્સમાં તે જ જૂની તાકાત સાથે KTM એ ફરી એકવાર માર્કેટમાં ધૂમ મચાવી છે.
આ પણ વાંચો : Holi 2026: હોળીના હઠીલા રંગોથી કાર-બાઇકને કેવી રીતે બચાવશો? જાણો પેઇન્ટ ચમકાવવાની ખાસ ટ્રિક્સ