AI Chatbots News : છેલ્લા કેટલાક વર્ષોમાં આર્ટિફિશિયલ ઇન્ટેલિજન્સ (Artificial Intelligence) ક્ષેત્રમાં કંપનીઓએ AI ચેટબોટ્સ (AI Chatbots)ને વધુ માનવસમાન અને મૈત્રીપૂર્ણ બનાવવા માટે મોટા પ્રમાણમાં રોકાણ કર્યું છે. શરૂઆતમાં ચેટબોટ્સ ઘણી વખત રોબોટિક અને કઠોર લાગતા હતા, પરંતુ ટેક્નોલોજીના વિકાસ સાથે તેમને વધુ સ્વાભાવિક, લાગણીસભર અને વાતચીતમાં સરળ બનાવવામાં આવ્યા. જોકે તાજેતરના એક અભ્યાસમાં સામે આવ્યું છે કે અતિશય મૈત્રીપૂર્ણ વર્તન હવે Usersને હંમેશા આકર્ષતું નથી.

Users કેવા ચેટબોટ પસંદ આવે છે?

અભ્યાસ મુજબ, AI ચેટબોટ્સ અને Users વચ્ચે વ્યક્તિત્વ સુસંગતતા (Personality Compatibility) ખૂબ મહત્વપૂર્ણ છે. લોકો એવા ચેટબોટ્સને વધુ પસંદ કરે છે, જેમની વાતચીતની શૈલી તેમના પોતાના સ્વભાવ સાથે મેળ ખાય. ઉદાહરણ તરીકે, અંતર્મુખી (Introvert) સ્વભાવ ધરાવતા લોકો શાંત, સીધી અને ઓછી ભાવનાત્મક વાતચીતને વધુ પસંદ કરે છે. બીજી તરફ, સામાજિક (Extrovert) Users ઊર્જાવાન, ઉત્સાહભરી અને વધુ ઇન્ટરેક્ટિવ વાતચીત તરફ આકર્ષાય છે.

અતિશય ઉત્સાહથી અસ્વસ્થતા

સંશોધનમાં વધુ એક મહત્વની બાબત સામે આવી છે કે વધારે પડતો ઉત્સાહ અથવા અતિશય મૈત્રીપૂર્ણ વર્તન (Over-Friendly Behavior) Users ને ઘણીવાર અસ્વસ્થ બનાવી શકે છે. જ્યારે ચેટબોટ દરેક જવાબમાં અતિશય ભાવનાત્મક અથવા વધુ ખુશામતભર્યો પ્રતિભાવ આપે છે, ત્યારે Usersને તેની પ્રામાણિકતા (Authenticity) પર શંકા થવા લાગે છે. પરિણામે વિશ્વાસ વધવાને બદલે ઓછો થઈ શકે છે.

AI ડિઝાઇન ફિલસૂફીમાં બદલાવ

AI ટૂલ્સની ડિઝાઇન ફિલસૂફી (Design Philosophy) પણ સમય સાથે બદલાઈ રહી છે. શરૂઆતમાં ધ્યાન માત્ર રોબોટિક પ્રતિસાદને માનવસમાન બનાવવા પર હતું. ત્યારબાદ કંપનીઓએ તેને વધુ મૈત્રીપૂર્ણ અને લાગણીસભર બનાવવાનું શરૂ કર્યું. પરંતુ હવે સંશોધકો માને છે કે ફક્ત friendliness પૂરતું નથી. AI સિસ્ટમ્સને હવે વધુ અનુકૂળ (Adaptive) અને સંદર્ભ અનુસાર પ્રતિભાવ આપનારી બનાવવી જરૂરી છે, જેથી દરેક Usersને વ્યક્તિગત અનુભવ મળી શકે.

AI કેમ મહત્વનું બની રહ્યું છે?

આજના સમયમાં AI Assistants સ્માર્ટફોન, ઓફિસ ટૂલ્સ, શિક્ષણ પ્લેટફોર્મ, ગ્રાહક સેવા (Customer Service) અને માનસિક આરોગ્ય એપ્લિકેશન્સ સુધી દરેક જગ્યાએ ઉપયોગમાં લેવાઈ રહ્યા છે. આવી સ્થિતિમાં તેમનું સંવાદ શૈલી ખૂબ મહત્વપૂર્ણ બની જાય છે. જો AI યોગ્ય રીતે Usersની ભાવના અને સ્વભાવને સમજી શકે, તો તે વધુ અસરકારક અને વિશ્વસનીય સાબિત થઈ શકે છે.

આ પણ વાંચો : New mAadhaar App : જૂની એપમાંથી ડેટા આ રીતે સરળતાથી ટ્રાન્સફર કરો !