Instagram Reels On Amazon Fire TV : Amazon અને Meta એ તાજેતરમાં નવી ભાગીદારીની જાહેરાત કરી છે. આ નવી ભાગીદારીના ભાગ રૂપે, ટીવી માટે એક નવી ઇન્સ્ટાગ્રામ એપ્લિકેશન લોન્ચ કરવામાં આવી છે. આ નવી એપ્લિકેશન યુઝર્સને મોટી સ્ક્રીન પર રીલ્સ શેર કરવાની, અને જોવાની સુવિધા આપશે. કંપનીએ જણાવ્યું કે, નવી એપ્લિકેશન હવે નક્કી કરેલા Amazon Fire TV ઉપકરણો માટે ઉપલબ્ધ છે, અને એમેઝોન એપસ્ટોર પરથી ડાઉનલોડ કરી શકાય છે. એપ્લિકેશન એકથી વધુ એકાઉન્ટ્સને સપોર્ટ કરે છે. વપરાશકર્તાઓ તેમની પસંદગીના આધારે ટૂંકા ગાળાના વિડિઓઝ જોઈ શકે છે, તેમને શેર કરી શકે છે, અને તેમને લાઇક કરી શકે છે. એપ્લિકેશન યુઝર્સને અન્યને શોધવાની સુવિધા પણ આપે છે.
![]()
સ્ક્રીનની બંને બાજુ સ્લાઇડ બાર
વર્ષોથી, ઇન્સ્ટાગ્રામ રીલ્સ સ્માર્ટફોન સુધી મર્યાદિત છે. પરંતુ ટીવી એપ્લિકેશનના લોન્ચ સાથે, એક મોટો નવો ફેરફાર આવ્યો છે. પ્રથમ વખત, ઇન્સ્ટાગ્રામને મોટી સ્ક્રીન માટે ડિઝાઇન કરવામાં આવ્યું છે. Amazon Fire TV માટે ઇન્સ્ટાગ્રામ ટીવી એપ્લિકેશન જેવો અનુભવ આપનાર છે. રીલ્સ પોટ્રેટ ફોર્મેટમાં જોવા મળે છે, અને સ્ક્રીનની બંને બાજુ સાઇડબાર ધરાવે છે. યુઝર્સ સંગીત, રમતગમત, મુસાફરી અને ટ્રેન્ડિંગ જેવા પસંદગી આધારિત એકાઉન્ટમાં અપલોડ કરવામાં આવેલા કન્ટેન્ટને સ્ક્રોલ પણ કરી શકે છે.
લાઇક અને કોમેન્ટ કરવું શક્ય
આ એપ્લિકેશન વપરાશકર્તાઓને લોગ ઇન કરવાની, સર્ચ કરવાની અને તેમની પ્રોફાઇલ્સને એક્સેસ કરવાની પણ મંજૂરી આપે છે. સાથે જ રીલ્સને લાઇક કરવાનું, કોમેન્ટ્સ વાંચવાનું અને કોમેન્ટ કરવું પણ શક્ય છે.
YouTube સાથે સીધી ટક્કર
તમે વિચારતા હશો કે, શોર્ટ વિડિઓની એપ ખાસ કરીને સ્માર્ટફોન માટે બનાવવામાં આવી છે, ત્યારે Meta એ મોટી સ્ક્રીન માટે Instagram Reels કેમ લોન્ચ કરી હોઇ શકે. સંભવત Reels માટે સૌથી મોટો ખતરો છેલ્લા કેટલાક વર્ષોમાં YouTube ની ઝડપથી વધતી લોકપ્રિયતા છે. યુઝર્સ વિવિધ ક્રિએટર્સના લાંબા વીડિયો જોવા માટે જ નહીં, પણ Shorts જોવા માટે પણ YouTube માં લોગ ઇન કરે છે. YouTube Shorts માં એક મિનિટથી ઓછી લંબાઈના વિડિઓઝ છે, જે TikTok ને ધ્યાનમાં રાખીને ડિઝાઇન કરવામાં આવ્યા છે.
![]()
સ્ટ્રીમીંગ લિસ્ટમાં ટોચ પર
ડેટા અનુસાર, YouTube સૌથી વધુ જોવાયેલી સ્ટ્રીમિંગ સર્વિસ અને સૌથી લોકપ્રિય પોડકાસ્ટ પ્લેટફોર્મ બની ગયું છે. હકીકતમાં, Google ની માલિકીની YouTube એ પરંપરાગત કેબલ ટીવી નેટવર્ક્સને પાછળ છોડીને યુએસમાં ટીવી પર સૌથી વધુ લોકપ્રિય સ્ટ્રીમિંગની યાદીમાં ટોચ પર છે. આનો અર્થ એ છે કે, પ્લેટફોર્મ હવે Netflix, Disney+ અથવા Amazon Prime Video કરતાં વધુ દર્શકો તેની પાસે છે. આ દર્શાવે છે કે, ઇન્ટરનેટ કેવી રીતે ટેલિવિઝન અને લોકોની જોવાની ટેવને સતત બદલી રહ્યું છે.
ભારતમાં ટીવી પર Instagram Reels જોઈ શકાશે ?
આ એપ્લિકેશન હાલમાં US માં લોન્ચ થઈ છે, અને તે ફક્ત Amazon Fire TV સાથે જોડાયેલા ડિવાઇસ પર જ ઉપલબ્ધ છે. જો તમે US માં રહો છો, તો તમે Amazon App store પરથી Instagram for TV એપ્લિકેશન ડાઉનલોડ કરી શકો છો. નોંધનીય છે કે, આ એપ્લિકેશન Fire TV Stick HD, Fire TV Stick 4K Plus, Fire TV Stick 4K Max (1st and 2nd Gen), Fire TV 2-Series, Fire TV 4-Series અને Fire TV Omni QLED સિરીઝ માટે ઉપલબ્ધ છે. હાલમાં, ભારતમાં ટીવી પર Instagram Reels આવવા વિશે કોઈ માહિતી નથી.
આ પણ વાંચો --- ભારત-ચીન વચ્ચેનો હવાઇ પ્રવાસ સરળ બનશે, દિલ્હીથી શાંઘાઈની ફ્લાઈટનું શિડ્યૂલ જાણી લો...!
