Android God Mode : વેશપલટો કરીને ફોનમાં પ્રવેશતા વાયરસથી તબાહી !
- Android God Mode નામનો નવો ખતરો સામે આવ્યો છે
- ભારત સરકારે તેનાથી થતી તબાહી અંગે લોકોને ચેતવ્યા છે
- ગ્રાહક સપોર્ટ એપના નામે ફોનમાં ઘૂસીને નુકશાન પહોંચાડે છે
Android God Mode : ભારત સરકારની સાયબર સુરક્ષા એજન્સીઓએ "ગોડ મોડ" તરીકે ઓળખાતા નવા એન્ડ્રોઇડ માલવેર વિશે ચેતવણી જારી કરી છે. આ ખતરનાક વાયરસ અસરગ્રસ્ત સ્માર્ટફોન પર લગભગ સંપૂર્ણ નિયંત્રણ મેળવી શકે છે (Control Smart Phone). તે પોતાને બેંકિંગ એપ્લિકેશન, યુટિલિટી ટૂલ અથવા ગ્રાહક સપોર્ટ એપ્લિકેશન તરીકે વેશપલટો કરીને, અને ફોનમાં પ્રવેશ કરે છે. એકવાર ઇન્સ્ટોલ થઈ ગયા પછી, તેને દૂર કરવું મુશ્કેલ છે, અને તે યુઝર્સની વ્યક્તિગત માહિતી માટે ખતરો ઉભો કરી શકે છે (Cyber Attack).
Android God Mode, નકલી સ્ક્રીન બતાવીને છેતરામણી
આ માલવેર એન્ડ્રોઇડની ઍક્સેસિબિલિટી સુવિધાઓનો ઉપયોગ કરે છે. એકવાર પરવાનગી મળ્યા પછી, તે સ્ક્રીન જોઈ શકે છે, સંદેશાઓ વાંચી શકે છે, અને યુઝરની પ્રવૃત્તિને ટ્રેક કરી શકે છે. તે OTP ધરાવતા SMS ને પણ અટકાવી શકે છે, કૉલ કરી શકે છે, અને કેમેરાને પણ ઍક્સેસ કરી શકે છે. તે નકલી સ્ક્રીન પ્રદર્શિત કરીને યુઝર્સને છેતરવા માટે પણ સક્ષમ છે, જેના કારણે બેંકિંગ માહિતી જેવી સંવેદનશીલ માહિતીની ચોરી થઈ શકે છે, અને નોંધપાત્ર નાણાકીય નુકસાન થઈ શકે છે.
I4C, MHA द्वारा नागरिकों को “Android God Mode” नामक एक उन्नत Android malware के बारे में सतर्क किया गया है, जो Accessibility permissions का दुरुपयोग कर device पर अनधिकृत नियंत्रण प्राप्त कर सकता है।
🔗पूरा परामर्श यहाँ देखें: https://t.co/B4NBrDvGEG #AndroidMalware #Android pic.twitter.com/pzij4ydOiD
— CyberDost I4C (@Cyberdost) April 2, 2026
આ પણ વાંચો ------------ China માં ઇતિહાસમાં પહેલી વખત માણસથી આગળ રોબોટ નીકળી ગયો !
Android God Mode, માલવેર સિસ્ટમ સ્તરે કાર્યરત
જો ફોન વારંવાર વિચિત્ર પરવાનગીઓ માંગે છે, અથવા પોતાને ડિફોલ્ટ એપ્લિકેશન તરીકે સેટ કરવાનો પ્રયાસ કરે છે, તો સાવચેત રહો. આઇકોન વિનાની એપ્લિકેશનો, અને SMS અથવા કૉલ પ્રવૃત્તિમાં અચાનક વધારો પણ જોખમના સંકેતો છે. કેટલાક કિસ્સાઓમાં, યુઝર્સ એપ્લિકેશનને કાઢી શકતા નથી, કારણ કે માલવેર સિસ્ટમ સ્તરે કાર્ય કરે છે. જો તમને આ સંકેતો દેખાય છે, તો વધુ નુકસાન અટકાવવા અને તમારા ડેટાને સુરક્ષિત રાખવા માટે તાત્કાલિક તપાસ કરવી જરૂરી બને છે.
આ રીતે ફોનનો સુરક્ષિત કરો
માલવેર દૂર કરવા માટે, તમારા ફોનને સેફ મોડમાં બુટ કરો, અને શંકાસ્પદ એપ્લિકેશનને તાત્કાલિક દૂર કરો. પહેલા સેટિંગ્સમાં જાઓ અને અજાણી પરવાનગીઓ અને ઍક્સેસને બંધ કરો. કોલ ફોરવર્ડિંગ દૂર કરવા માટે, ##002# ડાયલ કરો, અને તમારા ફોનને ફરીથી શરૂ કરો. જો સમસ્યા ચાલુ રહે છે, તો ફેક્ટરી રીસેટ કરવાની પણ જરૂરત પડી શકે છે. હંમેશા સત્તાવાર સ્ટોર્સમાંથી એપ્લિકેશનો ડાઉનલોડ કરો, અને તમારા ફોનને સુરક્ષિત રાખવા માટે અજાણી લિંક્સ અથવા APK ફાઇલો ટાળો.
આ પણ વાંચો ------------ Trifold Phone હંમેશા માટે 'Sold Out' થઇ ગયો હોવાની જાહેરાતથી આશ્ચર્ય