• Apple iPhone 17 Series લોન્ચ કરવા જઇ રહી છે
• 120Hz ડિસ્પ્લે અને 48MP ટેલિફોટો સાથે આવશે iPhone 17
• Apple Event : 4 નવા iPhone મોડલ્સ થશે રજૂ
• 24MP સેલ્ફી કેમેરા સાથે આવશે iPhone 17 Series
• Apple Intelligence : નવા iPhone માં AI સુવિધાઓ મળશે?
• iPhone 16 કરતાં વધુ અદ્યતન બનશે iPhone 17

Apple iPhone 17 Series : આજે Apple એક મોટી 'Awe-Dropping' ઇવેન્ટનું આયોજન કરી રહી છે, જેની ટેક જગતમાં ભારે ઉત્સુકતા છે. આ ઇવેન્ટમાં કંપની તેના નવા iPhone 17 અને iPhone 17 Pro સિરીઝનું અનાવરણ કરશે. અપેક્ષા છે કે આ નવા હેન્ડસેટ્સમાં ઘણાં નવા અને અદ્યતન ફીચર્સ, કેમેરા સેન્સર, અને પ્રોસેસરની જાહેરાત કરવામાં આવશે. ચાલો જાણીએ કે આ નવા iPhone મોડેલ્સમાં કઈ ખાસિયતો જોવા મળશે અને આ ફોન iPhone 16 ની સરખામણીમાં કેટલા અલગ હશે.

4 નવા iPhone મોડેલનું લોન્ચિંગ

આ ઇવેન્ટમાં Apple 4 નવા સ્માર્ટફોન લોન્ચ કરશે તેવી અપેક્ષા છે: iPhone 17, iPhone 17 Air, iPhone 17 Pro અને iPhone 17 Pro Max. આ મોડેલો સાથે કંપની પોતાની પ્રોડક્ટ લાઇનમાં વિવિધતા લાવવાનો પ્રયાસ કરી રહી છે, જેથી ગ્રાહકોને વધુ વિકલ્પો મળી શકે.

ડિસ્પ્લે અને કેમેરામાં મોટું અપગ્રેડ

• Better refresh rates display : અત્યાર સુધી, Apple તેના બેઝ મોડેલ iPhoneમાં 60Hz રિફ્રેશ રેટ ઓફર કરતું હતું, જ્યારે ઘણા એન્ડ્રોઇડ ફોન મધ્યમ-રેન્જમાં પણ 120Hz ડિસ્પ્લે આપી રહ્યા છે. પરંતુ, લીક થયેલા અહેવાલો મુજબ, iPhone 17 માં 120Hz રિફ્રેશ રેટ ડિસ્પ્લેનો ઉપયોગ કરવામાં આવશે. આનાથી ફોનનું સ્ક્રોલિંગ અને ગેમિંગનો અનુભવ વધુ સ્મૂથ અને શાનદાર બનશે.
• Powerful telephoto camera : અત્યાર સુધી ટેલિફોટો લેન્સ માત્ર પ્રો મોડેલો સુધી જ મર્યાદિત હતા. પરંતુ, આ વખતે Apple ટેલિફોટો લેન્સને અપગ્રેડ કરીને 48MP ટેલિફોટો લેન્સ આપી શકે છે. કેટલાક રિપોર્ટ્સ તો એવું પણ સૂચવે છે કે iPhone 17 ના બેઝ મોડેલમાં પણ ટેલિફોટો કેમેરા જોવા મળી શકે છે, જે ફોટોગ્રાફીના શોખીનો માટે એક મોટી ખુશખબર છે.
• Upgraded selfie camera : લીક થયેલા અહેવાલો અનુસાર, iPhone 17 સિરીઝના ફોનમાં સેલ્ફી કેમેરાને પણ સુધારવામાં આવ્યો છે. અપેક્ષા છે કે આ ફોનમાં 24MP ફ્રન્ટ કેમેરા ઉપલબ્ધ થશે, જે સ્પષ્ટ અને વધુ ડિટેલવાળી સેલ્ફી લેવામાં મદદ કરશે.

આર્ટિફિશિયલ ઇન્ટેલિજન્સ (AI) પર ધ્યાન કેન્દ્રિત

જ્યારે Google અને Samsung જેવી કંપનીઓ AI ક્ષેત્રે આગળ વધી રહી છે, ત્યારે Apple આ રેસમાં પાછળ રહી ગયું હોય તેવું લાગતું હતું. જોકે, આ ઇવેન્ટમાં Apple પોતાની Apple Intelligence હેઠળ નવી AI સુવિધાઓની જાહેરાત કરી શકે છે. આ સુવિધાઓ યુઝરના અનુભવને વધુ સ્માર્ટ અને વ્યક્તિગત બનાવવા પર ધ્યાન કેન્દ્રિત કરશે.

સ્માર્ટફોન બજારમાં એક મોટું પરિવર્તન

iPhone 17 સિરીઝમાં આવનારા આ ફીચર્સ Apple ના ગ્રાહકો માટે એક ઉત્તમ અપગ્રેડ સાબિત થઈ શકે છે. ખાસ કરીને 120Hz ડિસ્પ્લે અને અપગ્રેડેડ કેમેરા ફોટોગ્રાફીના અનુભવને નવા સ્તરે લઈ જશે. આ ઇવેન્ટમાં Apple કેવી રીતે આ તમામ સુવિધાઓ રજૂ કરે છે અને ગ્રાહકોની અપેક્ષાઓ પર કેટલું ખરું ઉતરે છે, તે જોવાનું રસપ્રદ રહેશે. જો આ ચર્ચાઓ સાચી સાબિત થાય, તો iPhone 17 સિરીઝ સ્માર્ટફોન બજારમાં એક મોટું પરિવર્તન લાવી શકે છે.

આ પણ વાંચો :   Apple નું સૌથી મોટું લોન્ચ: 9 સપ્ટેમ્બરે iPhone 17 સિરીઝમાં શું હશે ખાસ?