Apple New CEO : ટિમ કુકના 15 વર્ષના શાસનનો અંત! જાણો કોણ છે એપલના નવા 'કિંગ' જ્હોન ટર્નસ?
- 15 વર્ષ બાદ Tim Cook સીઈઓ પદ પરથી આપ્યું રાજીનામું
- John Ternus બન્યા એપલના નવા પાવરફુલ CEO
- 1 સપ્ટેમ્બર 2026થી કંપનીમાં નવું નેતૃત્વ થશે પ્રભાવી
- ટિમ કુક હવે એક્ઝિક્યુટિવ ચેરમેન તરીકે વૈશ્વિક સંબંધો સંભાળશે
- iPhone ના કિંગ એવા ટર્નસ પાસે 25 વર્ષનો બહોળો અનુભવ
ટેક જગતની દિગ્ગજ કંપની એપલ (Apple) માં મોટા પાયે ફેરફારના સમાચાર સામે આવ્યા છે. લાંબા સમય સુધી નેતૃત્વ કરનાર ટિમ કુકે (Tim Cook) સીઈઓ પદ છોડવાની જાહેરાત કરી છે. તેમના સ્થાને કંપનીના હાર્ડવેર એન્જિનિયરિંગ પ્રમુખ જ્હોન ટર્નસ (John Ternus) નવા સીઈઓ (CEO) તરીકે નિયુક્ત થયા છે. આ ફેરફાર 1 સપ્ટેમ્બર, 2026 થી અમલમાં આવશે.
Apple New CEO : ટિમ કુકની નવી ભૂમિકા
65 વર્ષીય ટિમ કુક એપલમાંથી સંપૂર્ણ નિવૃત્ત થઈ રહ્યા નથી. તેઓ હવે એક્ઝિક્યુટિવ ચેરમેન (Executive Chairman) તરીકે સેવા આપશે. કુક હવે વૈશ્વિક સ્તરે નીતિ નિર્ધારકો (Policymakers) સાથેના સંબંધો પર ધ્યાન કેન્દ્રિત કરશે. ખાસ કરીને યુએસ પ્રમુખ ડોનાલ્ડ ટ્રમ્પ સાથે એપલના વ્યાપારી સંબંધો જાળવવા તે તેમની પ્રાથમિકતા રહેશે.
CEO (Chief Executive Officer) of Apple, Tim Cook, will resign from his current position in September and will start a new role as Apple’s executive chairman. John Ternus, Apple's senior vice president of Hardware Engineering, will step into the role of CEO.
— ANI (@ANI) April 20, 2026
કોણ છે Apple New CEO જ્હોન ટર્નસ?
50 વર્ષીય જ્હોન ટર્નસ (John Ternus) એપલના સૌથી વિશ્વસનીય ચહેરાઓમાંથી એક છે. તેઓ છેલ્લા 25 વર્ષથી કંપની સાથે જોડાયેલા છે અને 2011 થી હાર્ડવેર એન્જિનિયરિંગ વિભાગનું નેતૃત્વ કરી રહ્યા હતા. ટિમ કુકે ટર્નસની પ્રશંસા કરતા જણાવ્યું કે જ્હોન પાસે એન્જિનિયરનું મગજ અને ઇનોવેટર (Innovator) નો આત્મા છે, જે એપલને ભવિષ્યમાં નવી ઊંચાઈઓ પર લઈ જવા માટે સક્ષમ છે.
ટીમમાં અન્ય મોટા ફેરફાર
જ્હોન ટર્નસ સીઈઓ બન્યા બાદ, જોઈ જોનીને ચીફ હાર્ડવેર ઓફિસર તરીકે નિયુક્ત કરવામાં આવ્યા છે. હાર્ડવેર એન્જિનિયરિંગ અને ટેક્નોલોજીના સંયુક્ત વિભાગની જવાબદારી હવે તેમના શિરે રહેશે. ટર્નસની જૂની જગ્યાએ ટોમ મેરીબ હાર્ડવેર એન્જિનિયરિંગ વિભાગના વડા બનશે. ટિમ કુકે આઈફોન (iPhone), એપલ વોચ અને એરપોડ્સ જેવી ક્રાંતિકારી પ્રોડક્ટ્સ દ્વારા એપલને દુનિયાની સૌથી મોટી કોર્પોરેશન બનાવી દીધી છે.
આ પણ વાંચો : તમારી કાર ભઠ્ઠી જેવી તપે છે? આ 5 ટિપ્સ અપનાવો અને ગરમીને કાયમ માટે Bye-Bye કહો!