• Aprilia Tuono 457: ભારતમાં નવી શરૂઆત
• નવી Tuono 457 નો લુક અને ટેક્નોલોજી
• Tuono 457: કિંમત, બુકિંગ અને સ્પર્ધા
• Aprilia ની સસ્તી બાઇક Tuono 457

Aprilia Tuono 457 : જો તમે ટૂ-વ્હીલર ખરીદવાનું વિચારી રહ્યા છો, તો ઈટાલિયન બ્રાન્ડ એપ્રિલિયા તેની નવી મોટરસાઇકલ, Tuono 457, ભારતીય બજારમાં વેચાણ માટે લોન્ચ કરી છે. આ મોટરસાઇકલ ભારતમાં ઉપલબ્ધ સૌથી સસ્તી એપ્રિલિયા બાઇક છે અને તેની શરૂઆતની કિંમત 3.95 લાખ રૂપિયા (એક્સ-શોરૂમ, દિલ્હી) છે. તે તેના સાથી મોડેલ RS 457 કરતા 25,000 રૂપિયા ઓછી કિંમતે ઉપલબ્ધ છે.

Aprilia Tuono 457 ભારતમાં લોન્ચ

થોડા મહિના પહેલા, આ મોટરસાઇકલને ઇટાલીના મિલાનમાં રાખવામાં આવેલા EICMA મોટર શોમાં સમગ્ર વિશ્વને દેખાડવામાં આવી હતી. હવે તે ભારતમાં લોન્ચ કરવામાં આવી છે. કંપની જણાવે છે કે આ સ્પોર્ટ-નેકેડ મોટરસાઇકલ યુવાઓ વચ્ચે ખૂબ લોકપ્રિય બનશે. તેની સાથે, તેમાં કેટલાક મિકેનિકલ ફેરફારો કરવામાં આવ્યા છે જે તેને RS 457 થી અલગ કરે છે.

Aprilia Tuono 457 ની ટેક્નિકલ વિશેષતાઓ

Aprilia Tuono 457 માં 457 CC ક્ષમતાના સમાંતર-ટ્વીન એન્જિન વાપરવામાં આવ્યા છે, જે 47.6hp પાવર અને 43.5Nm ટોર્ક ઉત્પન્ન કરે છે. તેને 6-સ્પીડ ગિયરબોક્સ સાથે જોડવામાં આવ્યું છે, જે Slip-and-assist clutch સાથે આવે છે. વધુમાં, બાય-ડાયરેક્શનલ ક્વિકશિફ્ટર એક વૈકલ્પિક એક્સેસરી તરીકે ઉપલબ્ધ છે. ટુનો 457 ના ફ્રેમ, સસ્પેન્શન, બ્રેક્સ અને ઇલેક્ટ્રોનિક્સ કોમ્પોનેન્ટ્સ RS મોડેલ સાથે શેર કરવામાં આવ્યા છે.

Aprilia Tuono 457 ની ડિઝાઈન અને સ્પેસિફિકેશન

Tuono તેના સિબલિંગ મોડેલોથી સંપૂર્ણપણે અલગ છે, અને તેનો લુક ખૂબ જ આકર્ષક છે. તેમાં બે શાર્પ ડેટાઇમ રનિંગ લાઇટ્સ સાથે એક નાની નવી LED હેડલાઇટ છે. તેની Fuel Tank ની ક્ષમતા 12.7 લિટર છે, જે તેના સિબલિંગ મોડેલ RS 457 ની 13 લિટરની Fuel Tank કરતા થોડી નાની છે. બંને મોટરસાઇકલનું વજન 175 કિલો છે.

Aprilia Tuono 457 ની બુકિંગ અને સ્પર્ધા

Tuono 457 માં ગિયરિંગ થોડું ટૂંકું આપવામાં આવ્યું છે. આ મોટરસાઇકલ બે કલર વિકલ્પોમાં (લાલ/કાળો અને સફેદ/ગ્રે) ઉપલબ્ધ છે. કંપનીએ જણાવ્યું છે કે, તેની સત્તાવાર બુકિંગ શરૂ થઈ ગઈ છે, જે અધિકૃત ડીલરશીપો અને સત્તાવાર વેબસાઇટ દ્વારા કરી શકાય છે. તેની ડિલિવરી માર્ચમાં શરૂ થવાની ધારણા છે. બજારમાં, તે Yamaha MT અને KTM 390 Duke જેવા મોડેલો સાથે સ્પર્ધા કરશે.

આ પણ વાંચો :  Vayve Eva Electric Car : દેશની પહેલી સૌર ઉર્જાથી ચાલતી ઇલેક્ટ્રિક કાર લોન્ચ, કિંમત માત્ર 3.25 લાખ રૂપિયા