Bajaj Pulsar 220F: શું નવી પલ્સર 220F છે તમારા માટે બેસ્ટ? જાણો તમામ નવા બદલાવ
- Bajaj Pulsar 220F હાઈટેક ફીચર્સ સાથે ફરી ધૂમ મચાવશે
- હવે સુરક્ષા માટે ડ્યુઅલ-ચેનલ ABS સિસ્ટમથી સજ્જ
- બ્લૂટૂથ, નેવિગેશન અને કોલ એલર્ટ્સ જેવા આધુનિક ફીચર્સ ઉમેરાયા
- ચાર આકર્ષક કલર ઓપ્શન અને સ્પોર્ટી ગ્રાફિક્સ સાથે ફ્રેશ ડિઝાઇન
- ભરોસાપાત્ર 220cc ઓઇલ-કૂલ્ડ એન્જિન સાથે દમદાર પરફોર્મન્સ
Bajaj Pulsar 220F : ભારતીય યુવાનોની ઓલ-ટાઇમ ફેવરિટ બાઇક Bajaj Pulsar 220F ફરી એકવાર નવા અવતારમાં રસ્તાઓ પર ઉતરી છે. વર્ષ 2007થી સતત લોકપ્રિય રહેલી આ આઇકોનિક મોટરસાઇકલને બજાજ કંપનીએ અનેક મહત્વના અપડેટ્સ સાથે ફરીથી લોન્ચ કરી છે. આ વખતે કંપનીએ સૌથી વધુ ભાર સુરક્ષા (Safety) પર આપ્યો છે, જે આ બાઇકને પહેલા કરતા વધુ સ્પોર્ટી અને સુરક્ષિત બનાવે છે.
ડ્યુઅલ ચેનલ ABS થી સુરક્ષામાં વધારો
નવી Bajaj Pulsar 220Fનું સૌથી મોટું અને મહત્વનું અપડેટ તેનું Dual-Channel ABS સિસ્ટમ છે. ઇમરજન્સી બ્રેકિંગ સમયે આ ફીચર બાઇકને લપસતી અટકાવે છે અને રાઇડરને વધુ સારો કંટ્રોલ આપે છે. હવે આ બાઇક હાઇવે અને સિટી રાઇડિંગ બંને માટે અત્યંત સુરક્ષિત બની ગઈ છે.
Bajaj Pulsar 220F : નવા ગ્રાફિક્સ અને ફ્રેશ લૂક
ડિઝાઇનની વાત કરીએ તો, 2026 Pulsar 220F માં નવા અને રિફ્રેશ્ડ ગ્રાફિક્સ આપવામાં આવ્યા છે. હવે આ બાઇક કુલ 4 આકર્ષક રંગોમાં ઉપલબ્ધ છે: Black Cherry Red, Black Ink Blue, Black Copper Beige અને Green Light Copper. બ્લેક બેઝ સાથે ગોલ્ડ અને ઓરેન્જ શેડ્સ બાઇકને વધુ યુથફુલ લૂક આપે છે.
Bajaj Auto has updated the Pulsar 220F, with prices starting from Rs 1.28 lakh (ex-showroom), adding modern features while retaining its familiar semi-faired design and proven performance.
Key updates include:
✅ Refreshed graphics for a sportier look
✅ Dual-channel ABS added… pic.twitter.com/6OIh36Gl6H— BikeIndia.in (@bikeindia) December 17, 2025
Bajaj Pulsar 220F : કનેક્ટિવિટી અને મોર્ડન ફીચર્સ
ટેકનોલોજીના જમાનામાં બજાજે હવે Pulsar 220F માં બ્લૂટૂથ અને ફુલ્લી ડિજિટલ LCD ઇન્સ્ટ્રુમેન્ટ ક્લસ્ટર આપ્યું છે. જેનાથી રાઇડરને ટર્ન-બાય-ટર્ન નેવિગેશન, કોલ અને મેસેજ એલર્ટ્સ તેમજ DTE (કેટલા અંતર સુધી પેટ્રોલ ચાલશે) જેવી માહિતી મળશે. આ ઉપરાંત મોબાઈલ ચાર્જિંગ માટે USB પોર્ટની સુવિધા પણ આપવામાં આવી છે.
એન્જિન અને પાવરફુલ પરફોર્મન્સ
એન્જિનમાં કોઈ ફેરફાર કરવામાં આવ્યો નથી, કારણ કે તેનું પરફોર્મન્સ પહેલેથી જ સાબિત થયેલું છે. આ બાઇકમાં 220cc ઓઇલ-કૂલ્ડ, ટ્વિન સ્પાર્ક FI DTS-i એન્જિન છે, જે 20.9 PS પાવર અને 18.55 Nm ટોર્ક જનરેટ કરે છે. 5-સ્પીડ ગિયરબોક્સ સાથે આ એન્જિન સ્મૂધ રાઇડિંગ અનુભવ આપે છે.
બ્રેકિંગ અને સસ્પેન્શન સેટઅપ
બાઇકમાં આગળ 280 mm અને પાછળ 230 mm ડિસ્ક બ્રેક આપવામાં આવી છે. સસ્પેન્શન માટે ફ્રન્ટમાં ટેલિસ્કોપિક ફોર્કસ અને રિયરમાં 5-વે એડજસ્ટેબલ નાઇટ્રોક્સ શોક એબ્સોર્બર છે, જે ખરાબ રસ્તાઓ પર પણ આરામદાયક સફરની ખાતરી આપે છે. 15 લિટરની ફ્યુઅલ ટેન્ક અને 160 કિલોગ્રામ વજન તેને રોડ પર સ્થિર રાખે છે
આ પણ વાંચો : 5 લાખમાં તમારી પોતાની કાર? જુઓ માઈલેજ અને સેફ્ટીમાં નં.1 આ 5 બેસ્ટ ગાડીઓ