Big warning from CERT-In : ડિજિટલ દુનિયામાં ફરી એકવાર મોટો સાયબર ખતરો (Cyber Threat) સામે આવ્યો છે. ભારત સરકારની સાયબર સુરક્ષા એજન્સી CERT-In (Indian Computer Emergency Response Team) દ્વારા માઈક્રોસોફ્ટ ઓફિસ (Microsoft Office) યુઝર્સ માટે ગંભીર “હાઈ રિસ્ક” ચેતવણી (High Risk Alert) જાહેર કરવામાં આવી છે. આ એલર્ટ ખાસ કરીને વર્ડ (Word), એક્સેલ (Excel) અને પાવરપોઈન્ટ (PowerPoint) ઉપયોગ કરતા લાખો વપરાશકર્તાઓ માટે છે.

માઈક્રોસોફ્ટ ઓફિસમાં મળી મોટી સુરક્ષા ખામી

CERT-Inના રિપોર્ટ મુજબ માઈક્રોસોફ્ટ ઓફિસ સોફ્ટવેર (Microsoft Office Software)માં એક ગંભીર સુરક્ષા ખામી (Security Vulnerability) શોધાઈ છે. આ ખામીનો લાભ લઈને સાયબર હુમલાખોરો (Hackers) યુઝરના કમ્પ્યુટર અથવા લેપટોપ પર અનધિકૃત રીતે ઍક્સેસ મેળવી શકે છે. ખાસ વાત એ છે કે માત્ર એક ફાઇલ અથવા કન્ટેન્ટ ઓપન કરવાથી પણ સિસ્ટમ સંપૂર્ણપણે કંટ્રોલમાં જઈ શકે છે. આ ખામી માઈક્રોસોફ્ટ ઓફિસ ડેટા પ્રોસેસિંગ (Data Processing) પદ્ધતિમાં જોવા મળી છે, જેના કારણે હેકર્સ ખાસ તૈયાર કરેલી ફાઇલો મોકલીને સિસ્ટમમાં ઘૂસણખોરી કરી શકે છે.

હેકર્સ શું નુકસાન કરી શકે છે?

જો કોઈ યુઝર આ સાયબર હુમલાનો શિકાર બને તો પરિણામ ગંભીર થઈ શકે છે. હેકર્સ યુઝરના કમ્પ્યુટરમાં મેલવેર (Malware) અથવા વાયરસ ઇન્સ્ટોલ કરી શકે છે. ઉપરાંત, વ્યક્તિગત અને વ્યાવસાયિક ફાઇલોની ચોરી (Data Theft), ફાઇનાન્શિયલ ડેટામાં ફેરફાર અને અનધિકૃત ટ્રાન્ઝેક્શન જેવી પ્રવૃત્તિઓ પણ થઈ શકે છે. કેટલાક કેસોમાં આખી સિસ્ટમ પર રીમોટ કંટ્રોલ (Remote Control) પણ મેળવી શકાય છે.

લાખો યુઝર્સ પર જોખમ (Big warning from CERT-In)

માઈક્રોસોફ્ટ ઓફિસનો ઉપયોગ આજે પણ સ્કૂલ, કોલેજ, ઓફિસ અને સરકારી દસ્તાવેજો માટે વ્યાપક રીતે થાય છે. વર્ડ (Word), એક્સેલ (Excel) અને પાવરપોઈન્ટ (PowerPoint) જેવા ટૂલ્સ પર આધારિત લાખો યુઝર્સ હોવાથી આ ખામી સાયબર ક્રિમિનલ્સ માટે મોટું ટાર્ગેટ બની ગયું છે.

સરકારની તાત્કાલિક સલાહ

CERT-In દ્વારા તમામ યુઝર્સને તાત્કાલિક પોતાના માઈક્રોસોફ્ટ ઓફિસ સોફ્ટવેરને લેટેસ્ટ સિક્યુરિટી અપડેટ (Security Update) સાથે અપડેટ કરવાની સલાહ આપવામાં આવી છે. નિષ્ણાતોના જણાવ્યા મુજબ આ જ સૌથી અસરકારક સુરક્ષા ઉપાય છે. સાથે જ ઓટોમેટિક અપડેટ (Automatic Update) ચાલુ રાખવા, એન્ટીવાયરસ સોફ્ટવેર અપડેટ રાખવા અને મહત્વપૂર્ણ ડેટાનો નિયમિત બેકઅપ (Data Backup) લેવાની પણ ભલામણ કરવામાં આવી છે.

સાયબર નિષ્ણાતોની ચેતવણી

સાયબર નિષ્ણાતો કહે છે કે આ પ્રકારની ખામીઓને રીમોટ કોડ એક્ઝિક્યુશન (Remote Code Execution) કહેવામાં આવે છે, જે ખૂબ જ ખતરનાક માનવામાં આવે છે. કારણ કે તે હેકર્સને યુઝરના સિસ્ટમ પર સંપૂર્ણ કાબૂ આપી શકે છે. તેથી કોઈપણ અજાણી ફાઇલ ખોલતી વખતે વિશેષ સાવધાની રાખવી જરૂરી છે.

આ પણ વાંચો :  AI Chatbots News : શું ખરેખર ઓવર-ફ્રેન્ડલી ચેટબોટ્સથી ઘટે છે વિશ્વાસ?