Government Notice to Meta: ઇન્સ્ટાગ્રામ પર અશ્લીલ કન્ટેન્ટ મામલે કેન્દ્ર સરકાર એક્શનમાં, મેટાને ફટકારી નોટિસ
Government Notice to Meta: સોશિયલ મીડિયા પ્લેટફોર્મ પર પીરસવામાં આવતા આપત્તિજનક કન્ટેન્ટ સામે કેન્દ્ર સરકારે હવે કડક વલણ અપનાવ્યું છે. ઇન્સ્ટાગ્રામ પર બાળકો સંબંધિત અશ્લીલ સામગ્રી અને ન્યૂડિટી ફેલાવતી જાહેરાતો સામે આવતા સરકારે મોટી કાર્યવાહી કરી છે. આ ગંભીર બેદરકારી બદલ આઈટી મંત્રાલયે ઇન્સ્ટાગ્રામની પેરેન્ટ કંપની મેટાને કારણ દર્શક નોટિસ મોકલીને ખુલાસો માંગ્યો છે. આ નોટિસથી સોશિયલ મીડિયા કંપનીઓમાં ભારે ફફડાટ વ્યાપી ગયો છે.
Advertisement
Government Notice to Meta: સોશિયલ મીડિયા પર અશ્લીલ જાહેરાતોનો મોટો વિવાદ
છેલ્લા કેટલાક સમયથી ઇન્સ્ટાગ્રામ પર બાળકો સાથે જોડાયેલું અશ્લીલ કન્ટેન્ટ અને આપત્તિજનક જાહેરાતો ખૂબ જ વાયરલ થઈ રહી હતી. આ પ્રકારની સામગ્રી યુઝર્સની સુરક્ષા માટે મોટો ખતરો ઉભો કરે છે. આ ગંભીર બાબત કેન્દ્ર સરકારના ધ્યાને આવતા જ ઈલેક્ટ્રોનિક્સ અને ઈન્ફોર્મેશન ટેકનોલોજી મંત્રાલયે આકરી પ્રતિક્રિયા આપી છે. સરકારે આ મામલે મેટા કંપની પાસે જવાબ માંગ્યો છે કે આવા કન્ટેન્ટને રોકવામાં પ્લેટફોર્મ કેમ નિષ્ફળ રહ્યું.