Research : કેમેરા-બેટરી નહીં, આ ફીચર જોઇને ફોન ખરીદવાનું ચલણ વધ્યું !
- Research માં રસપ્રદ માહિતી સામે આવી છે
- ફોન ખરીદનાર બેટરી અને કેમેરા પછીથી જુએ છે
- એઆઇના જમાનામાં હવે ફોનમાં પણ ફીચર પર ભાર મુકાય છે
Research :સ્માર્ટફોન ખરીદતી (Smart Phone Buying) વખતે તમે કઈ બાબતો અથવા કઈ સુવિધાઓ ધ્યાનમાં રાખો છો ? આ અંગેનો એક રસપ્રદ રિપોર્ટ બહાર આવ્યો છે, જેમાં જણાવાયું છે કે, 89 ટકા લોકો સ્માર્ટફોન ખરીદતી વખતે આર્ટિફિશિયલ ઇન્ટેલિજન્સ (AI) સુવિધાઓ પર ધ્યાન આપી રહ્યા છે. પહેલા કદાચ કેમેરા, બેટરી, પ્રોસેસર અને ડિસ્પ્લે પર ધ્યાન આપવામાં આવતું હશે, પરંતુ હવે લોકોનું ધ્યાન AI પર છે.
Research, Gen-Z ની પસંદગીને પણ જાહેર કરી
કાઉન્ટરપોઇન્ટ રિસર્ચે ફ્લિપકાર્ટ (Counter Point Research - Flipkart) સાથે મળીને સ્માર્ટફોન ઇનસાઇટ્સ રિપોર્ટ 2026 (Smart Phone Insight Report - 2026) નામનો રિપોર્ટ તૈયાર કર્યો છે. તે ભારતીય બજારમાં બદલાતા ગ્રાહક વર્તન પર પ્રકાશ પાડે છે. તે એ પણ દર્શાવે છે કે, યુઝર સ્પષ્ટીકરણોથી આગળ વધીને AI પર વધુને વધુ ધ્યાન કેન્દ્રિત કરી રહ્યા છે. આ રિપોર્ટ Gen-Z ની પસંદગીને પણ જાહેર કરે છે.
આ પણ વાંચો - Bluebuck Antelope : લુપ્ત થયેલી પ્રજાતિને ફરી જીવંત કરાશે, વિજ્ઞાનના ભરોસે કંપની
Research, મોબાઇલ સાથે AI ઓફર
રિપોર્ટ અનુસાર, AI સ્માર્ટફોન પસંદગીમાં મહત્વપૂર્ણ ભૂમિકા ભજવી રહ્યું છે. રિપોર્ટમાં જણાવાયું છે કે, 89 ટકા યુઝર્સે જણાવ્યું હતું કે, AI સુવિધાઓ તેમના હેન્ડસેટ ખરીદીના નિર્ણયોને પ્રભાવિત કરે છે. AI સાથે, યુઝર્સ તેમના દૈનિક કાર્યોને સરળ બનાવી રહ્યા છે. AI શોધથી લઈને વૉઇસ આસિસ્ટન્સ સુધી બધું સુધારી રહ્યું છે. ઘણી મોબાઇલ કંપનીઓ તેમના પોતાના AI મોડેલો ઓફર કરી રહી છે.
આ વિકલ્પો ઉપલબ્ધ
ગૂગલની AI સુવિધાઓ ઉપરાંત, બજારમાં ઘણા અન્ય મોડેલો ઉપલબ્ધ છે. સેમસંગ પાસે ગેલેક્સી AI છે, જ્યારે Vivo અને Xiaomi પાસે પણ AI મોડેલો છે. મોટોરોલાનું નામ Moto AI છે. સેમસંગે ગૂગલ જેમિનીની ઘણી સુવિધાઓને ઑપ્ટિમાઇઝ કરી છે, અને તેને તેના હેન્ડસેટમાં એકીકૃત કરી છે, જેનાથી તેમની ઉપયોગીતામાં વધુ સુધારો થયો છે.
મોટા ભાગે EMI પર ફોનની ખરીદી
આ પ્રવાહ 15-20 હજાર રૂપિયાના સેગમેન્ટમાં પણ ફેલાઈ રહી છે, જ્યાં પ્રીમિયમ સુવિધાઓ સામાન્ય રીતે દુર્લભ હોય છે. રિપોર્ટમાં એ પણ બહાર આવ્યું છે કે. 33 ટકા લોકો સરળ હપ્તાઓ (EMI) ના વિકલ્પ સાથે પ્રીમિયમ હેન્ડસેટ ખરીદી રહ્યા છે.
આ પણ વાંચો - Bajaj Chetak EV Protest : છેતરાયેલા ગ્રાહકે જાહેરમાં કંપનીની આબરૂ કાઢી !