દિલ્હીમાં Electric Vehicles ખરીદનારાઓની લોટરી! રોડ ટેક્સ અને રજીસ્ટ્રેશન ફીમાં 100% મુક્તિની જાહેરાત
- દિલ્હીમાં પેટ્રોલ ગાડીઓ પર વાગશે પ્રતિબંધના મૃદંગ! (Delhi EV Policy 2026 )
- સરકારે 'EV પોલિસી 2026-2030' નો નવો ડ્રાફ્ટ કર્યો જાહેર
- 1 એપ્રિલ 2028 થી નવા પેટ્રોલ ટુ-વ્હીલરના રજીસ્ટ્રેશન પર બ્રેક
- નવી ઇલેક્ટ્રિક કાર ખરીદનારાને રોડ ટેક્સ અને ફીમાં 100% છૂટ
- જૂની ગાડી સ્ક્રેપમાં આપી નવી EV લેવા પર મળશે વધારાનું બોનસ
- ઈલેક્ટ્રિક ટુ-વ્હીલર પર ₹30,000 સુધીની સબસિડીનો મળશે લાભ
Delhi EV Policy 2026 : દિલ્હી સરકારે પ્રદૂષણ મુક્ત પરિવહનને પ્રોત્સાહન આપવા માટે 'દિલ્હી ઇલેક્ટ્રિક વ્હીકલ પોલિસી 2026-2030' (Delhi EV Policy 2026-30) નો ડ્રાફ્ટ તૈયાર કરી દીધો છે, જેને EV પોલિસી 2.0 તરીકે પણ ઓળખવામાં આવે છે. પરિવહન વિભાગના EV સેલે 11 એપ્રિલના રોજ આ નવો ડ્રાફ્ટ જાહેર કર્યો છે અને આગામી 30 દિવસમાં જનતા પાસેથી સૂચનો માંગ્યા છે.
Delhi EV Policy 2026 :પેટ્રોલ ગાડીઓ માટે કડક ડેડલાઇન
આ પોલિસીમાં પેટ્રોલ વાહનોને તબક્કાવાર બંધ કરવા માટે સખત સમયસીમા (Timeline) નક્કી કરવામાં આવી છે. નિયમ મુજબ, 1 એપ્રિલ 2028 થી દિલ્હીમાં નવા પેટ્રોલ ટુ-વ્હીલર (Petrol Two-Wheeler) નું રજીસ્ટ્રેશન સંપૂર્ણપણે બંધ કરી દેવામાં આવશે. આ ઉપરાંત, 1 જાન્યુઆરી 2027 થી ઈલેક્ટ્રિક થ્રી-વ્હીલર (Electric Three-Wheeler) ખરીદવું ફરજિયાત બનશે. કોમર્શિયલ ઓપરેટર્સ માટે પણ 1 જાન્યુઆરી 2026 થી નવા પેટ્રોલ-ડીઝલ ટુ-વ્હીલર અને હળવા માલવાહક વાહનો પર પ્રતિબંધ મૂકવામાં આવ્યો છે.
Delhi Electric Vehicle (EV) Policy 2026–2030 (Draft):
Purchase Incentives
A) Electric Two-Wheelers
•Price cap: ₹2.25 lakh
•Year 1: ₹10,000/kWh (max ₹30,000)
•Year 2: ₹6,600/kWh (max ₹20,000)
•Year 3: ₹3,300/kWh (max ₹10,000)B) Electric Three-Wheelers (E-Auto)… pic.twitter.com/brjUnzUTpU
— ANI (@ANI) April 11, 2026
ગ્રાહકોને મળશે મોટી રાહત
સરકાર ઈચ્છે છે કે લોકો ઝડપથી ઇલેક્ટ્રિક વાહનો (Electric Vehicles) તરફ વળે, તેથી સબસિડીની જાહેરાત કરવામાં આવી છે. જો તમે ₹2.25 લાખ સુધીનું ઇલેક્ટ્રિક ટુ-વ્હીલર ખરીદો છો, તો બેટરીની ક્ષમતા મુજબ પ્રતિ kWh ₹10,000 ની છૂટ મળશે, જે મહત્તમ ₹30,000 સુધી હોઈ શકે છે. જોકે, આ સબસિડી (Subsidy) દર વર્ષે ઘટતી જશે. ઈલેક્ટ્રિક કાર ખરીદનારાઓને ₹30 લાખ સુધીની કાર પર રોડ ટેક્સ (Road Tax) અને રજીસ્ટ્રેશન ફીમાં 100% છૂટ મળશે.
સ્ક્રેપેજ બોનસ અને અન્ય ફાયદા
જો કોઈ ગ્રાહક પોતાની જૂની BS-VI કે તેથી જૂની ગાડી સ્ક્રેપ (Scrap) માં આપીને નવી EV ખરીદે છે, તો તેને અલગથી બોનસ મળશે. ટુ-વ્હીલર પર ₹10,000, થ્રી-વ્હીલર પર ₹25,000 અને કોમર્શિયલ ટ્રક પર ₹50,000 સુધીનું વધારાનું પ્રોત્સાહન મળશે. આ તમામ રકમ PM E-DRIVE યોજના હેઠળ સીધી બેંક ખાતામાં જમા કરવામાં આવશે. હાઇબ્રિડ કાર (Hybrid Cars) માટે ટેક્સમાં 50% ની છૂટની જોગવાઈ કરવામાં આવી છે.
આ પણ વાંચો : Chakshu Portal પર શંકાસ્પદ ફોન નંબર નોંધાવો, તંત્ર તુરંત કરશે કાર્યવાહી