ઉનાળાની ગરમીને મ્હાત આપવા Dyson લાવ્યું પાવરફુલ પોર્ટેબલ ફેન, જાણો શું છે તેની ખાસિયત

Dyson HushJet Mini Cool : ડિઝાઇન અને ફીચર્સ

ડાયસનનો આ નવો ફેન પરંપરાગત ટેબલ ફેન જેવો નથી. આ એક હેન્ડહેલ્ડ ડિવાઇસ (Handheld Device) છે, જેને તમે હાથમાં પકડી શકો છો, ટેબલ પર રાખી શકો છો અથવા ગળામાં પણ પહેરી શકો છો. તેના સ્પેસિફિકેશન્સની વાત કરીએ તો, આ ફેન 25 મીટર પ્રતિ સેકન્ડ સુધીની એરફ્લો સ્પીડ (Airflow Speed) આપવાનો દાવો કરે છે. તેમાં 65,000 RPM સુધી ફરતી શક્તિશાળી મોટર આપવામાં આવી છે.

ટેકનોલોજી અને પરફોર્મન્સ

આ ફેનમાં 5 સ્પીડ મોડ અને એક બૂસ્ટ મોડ આપવામાં આવ્યો છે. કંપનીનો દાવો છે કે તે એકવાર ચાર્જ કરવા પર અંદાજે 6 કલાક સુધી ચાલી શકે છે. ડાયસને આમાં હશજેટ (HushJet Technology) નામની ખાસ ટેકનોલોજી આપી છે, જેનો હેતુ અવાજ ઘટાડવાનો છે. સામાન્ય રીતે નાના પંખા ચાલતી વખતે અવાજ કરે છે, પરંતુ આમાં અવાજને કાબૂમાં લેવામાં આવ્યો છે.

કિંમત અને ઉપલબ્ધતા

આ ફેન ત્રણ કલર ઓપ્શનમાં ઉપલબ્ધ છે અને તેની સાથે નેક ડોક, ચાર્જિંગ સ્ટેન્ડ અને ટ્રાવેલ પાઉચ જેવી એક્સેસરીઝ પણ મળે છે. કિંમતની વાત કરીએ તો, તેને વૈશ્વિક સ્તરે 99 USD માં લોન્ચ કરવામાં આવ્યો છે, જે ભારતીય રૂપિયામાં અંદાજે ₹10,000 થાય છે. ભારતમાં લોન્ચ ડેટ (Launch Date in India) અંગે હજુ સત્તાવાર જાહેરાત બાકી છે, પરંતુ આ ગરમીમાં તે એક નવો ટ્રેન્ડ સેટ કરી શકે છે.

આ પણ વાંચો : AC Electricity Bill Saving Tips: ઉનાળામાં AC ના બેફામ ઉપયોગથી વધશે વીજળીનું બિલ; જાણો આદર્શ તાપમાન