Electricity Bill Saving Tips : AC સાથે પંખો ચલાવવો જોઈએ કે નહીં? જાણો વીજળી બચે છે કે વધે છે બિલ?
- Electricity Bill Saving Tips : એસી સાથે પંખો ચલાવવો કેમ છે હિતાવહ?
- એસીની ઠંડી હવાને આખા રૂમમાં ફેલાવવામાં પંખો કરે છે મદદ
- એસીનું ટેમ્પરેચર 26 પર રાખી પંખો ચલાવવાથી મળશે ડબલ કુલિંગ
- દરેક 1 ડિગ્રી તાપમાન વધારવાથી ૬ ટકા વીજળીની થાય છે બચત
- મહિનાના લાઈટ બિલમાં 20 ટકા સુધીનો ઘટાડો શક્ય
Electricity Bill Saving Tips : ઉનાળાની કાળઝાળ ગરમીમાં એસી (AC) ચલાવવું હવે જરૂરિયાત બની ગયું છે, પરંતુ તેની સાથે વધતું લાઈટ બિલ હંમેશા ચિંતાનો વિષય હોય છે. શું તમે જાણો છો કે એસી સાથે પંખો ચલાવવો એ વીજળીનો બગાડ નહીં પણ મોટી બચત છે? આ ટેકનિકથી તમે તમારા વીજળીના બિલમાં (Electricity Bill) મોટો ઘટાડો કરી શકો છો.
Electricity Bill Saving Tips : એસી સાથે પંખો ચલાવવાના ફાયદા
ઘણા લોકો માને છે કે એસી ચાલુ હોય ત્યારે પંખો (Ceiling Fan) બંધ રાખવો જોઈએ, પરંતુ વિજ્ઞાન કંઈક અલગ જ કહે છે. એસીની ઠંડી હવા ભારે હોવાથી તે જમીન પાસે જમા થાય છે. જ્યારે પંખો ચલાવવામાં આવે છે, ત્યારે તે આ ઠંડી હવાને સમગ્ર રૂમમાં સમાન રીતે ફેલાવે છે (Air Circulation). પરિણામે, રૂમનો દરેક ખૂણો ઝડપથી ઠંડો થાય છે અને તમારે એસીનું તાપમાન ખૂબ નીચું રાખવાની જરૂર પડતી નથી.
આ પ્રકારે કરો સેટિંગ
જો તમે એસીને 22°C ના બદલે 26°C પર સેટ કરો અને સાથે પંખો ચલાવો, તો પણ તમને 22 ડિગ્રી જેવી જ ઠંડક (Cooling Experience) અનુભવાશે. નિષ્ણાતોના મતે, એસીના તાપમાનમાં દરેક 1 ડિગ્રીના વધારા સાથે અંદાજે 6% વીજળી બચે છે. આ રીતે, એસી અને પંખાના સંયોજનથી તમે મહિનાના બિલમાં 15 થી 20 ટકા સુધીની બચત કરી શકો છો.
એસીની આવરદા વધશે
જ્યારે પંખાને કારણે રૂમ ઝડપથી ઠંડો થાય છે, ત્યારે એસીના કોમ્પ્રેસર (AC Compressor) પર દબાણ ઓછું આવે છે. મશીનને ઓછી મહેનત કરવી પડતી હોવાથી એસીની લાઈફ વધે છે અને લાંબા ગાળે મેન્ટેનન્સનો ખર્ચ પણ ઘટે છે. જોકે, ખાસ ધ્યાન રાખવું કે પંખો ફૂલ સ્પીડમાં રાખવાને બદલે મીડિયમ સ્પીડ (Medium Speed) પર રાખવો જોઈએ, જેથી ઠંડી હવા યોગ્ય રીતે મિક્સ થઈ શકે.
આ પણ વાંચો : AI થી રોજગારની નવી ક્રાંતિ! કેન્દ્રીય મંત્રી અશ્વિની વૈષ્ણવે જાહેર કર્યા ચોંકાવનારા આંકડા