Elon Musk: એલોન મસ્કના દીકરાનું ભારતીય કનેક્શન, નામને લઈને ચર્ચામાં આવ્યો ‘શેખર’!
- Elon Musk: એલોન મસ્કનો દીકરો ચર્ચામાં
- એલોને દીકરાને આપ્યું છે ભારતીય નામ
- એલોનના દીકરાનું નામ X પર કરી રહ્યું છે ટ્રેન્ડ
Elon Musk: ટેસ્લા (Tesla) અને સ્પેસએક્સ (SpaceX) ના સીઈઓ અને અબજોપતિ એલોન મસ્ક ફરી એકવાર સમાચારમાં છે. પરંતુ આ વખતે તે કોઈ ટેક પ્રોજેક્ટ કે વ્યવસાયિક નિર્ણય માટે નહીં પણ તેના દીકરાને લઈને ચર્ચા થઈ રહી છે. આપને જણાવી દઈએ કે, માત્ર એલોન જ નહી તેનો દીકરો પણ ચર્ચાનો વિષય બન્યો છે. એલોન મસ્કે તેના પુત્રના નામ વિશે એક પોસ્ટ પોસ્ટ કરી, જેના કારણે "શેખર" (Shekhar) નામ સોશિયલ મીડિયા પર ટ્રેન્ડ થવા લાગ્યું છે.
Elon Musk: કેમ થઈ રહી છે આટલી બધી ચર્ચા?
વાસ્તવમાં, એલોન મસ્કના પુત્રનું નામ ‘સ્ટ્રાઇડર શેખર’ (Strider Shekhar) છે. તાજેતરમાં મસ્કે કહ્યું કે તેણે પુત્રના નામમાં "શેખર" કેમ ઉમેર્યું. મસ્કે કહ્યું કે તેઓ પ્રસિદ્ધ ભારતીય મૂળના વૈજ્ઞાનિક સુબ્રમણ્યમ ચંદ્રશેખરથી પ્રેરિત છે.
Elon Musk: શું કહે છે મસ્ક?
એલોન મસ્કે એક પોડકાસ્ટ (Podcast) વાતચીત દરમિયાન આ નિવેદન આપ્યું હતું. તેણે કહ્યું કે સુબ્રમણ્યમ ચંદ્રશેખર એક મહાન વૈજ્ઞાનિક હતા. અને વિજ્ઞાનમાં તેમના યોગદાનને માન આપવા માટે તેણે આ નામ પસંદ કર્યું હતું. ચંદ્રશેખરને વર્ષ 1983 માં ભૌતિકશાસ્ત્ર (Physics) માં નોબેલ પુરસ્કાર મળ્યો હતો. આ કિસ્સામાં એલોન મસ્કે સ્પષ્ટતા કરી હતી કે નામ પસંદ કરતી વખતે કોઈ ફિલ્મ, પોપ સંસ્કૃતિ અથવા વલણને ધ્યાનમાં લેવામાં આવ્યું નહોતું. તેણે કહ્યું કે તેઓ વિજ્ઞાન (Science) અને વૈજ્ઞાનિકો (Scientists) દ્વારા પ્રેરિત નામોને મહત્વ આપે છે. અને તેથી જ તેમણે "શેખર" નામ પસંદ કર્યું.
આ પણ વાંચો------ Technology-2026: હવે અરીસો બતાવશે તમારું સ્વાસ્થ્ય! સ્માર્ટ ગ્લાસ સ્કેન કરશે તમારું આરોગ્ય!
મસ્કે એમ પણ ઉલ્લેખ કર્યો કે, તેના પાર્ટનર શિવોન ગિલિસનો પરિવાર પર મૂળ ભારત સાથે સંકળાયેલો છે. શિવોન ગિલિસ એક જાણીતા ટેક ઉદ્યોગ વ્યાવસાયિક છે. અને હાલમાં નુરાલિંકમાં કામ કરે છે. આ જ કારણ છે કે તેના પુત્રના નામ સાથે ભારતનું કનેક્શન આપવામાં આવ્યું છે.
નોંધનીય છે કે, એલોન મસ્ક અગાઉ પણ તેના બાળકોના નામો માટે ચર્ચામાં રહી ચૂક્યા છે. તેના કેટલાક બાળકોના નામ એકદમ અનોખા છે. હાલ એલોન મસ્કના નિવેદન પછી એ સ્પષ્ટ થઈ ગયું છે કે, 'શેખર' નામ કોઈ સંયોગ નથી. પરંતુ તેની પાછળ વિજ્ઞાન અને ભારત સાથે જોડાયેલી પ્રેરણા છે.
મસ્કના નિવેદન બાદ ઘણા ભારતીય યુઝર્સે સોશિયલ મીડિયા પર સુબ્રમણ્યમ ચંદ્રશેખર (Subramaniam Chandrasekhar) ના કાર્ય અને સિદ્ધિઓની પ્રશંસા કરતી પોસ્ટ્સ શેર કરી. ઘણા લોકોએ તેને ભારતીય વૈજ્ઞાનિકોને શ્રદ્ધાંજલિ ગણાવી. જ્યારે અન્ય લોકોએ તેને ફક્ત વ્યક્તિગત નામકરણના નિર્ણય તરીકે ફગાવી દીધો. સોશિયલ મીડિયા પર 'શેખર' નામ ટ્રેન્ડ કરી રહ્યું છે.
આ પણ વાંચો------Google Map લાવ્યું કમાલનું ફીચર, પાર્કિંગમાં મુકેલી કારને શોધવું બનશે આસાન
આ પણ વાંચો------IPO Scam Alert : વૃદ્ધને મોટા નફા માટે કરેલું રોકાણ માથે પડ્યું, ChatGPT એ ચેતવ્યા