Elon Musk Andrej Karpathy: ટેસ્લાના પૂર્વ AI ડાયરેક્ટર X સામે ભડક્યા, "20 વર્ષમાં આ પ્લેટફોર્મને આટલું ઝેરી ક્યારેય નથી જોયું"

Elon Musk Andrej Karpathy: સામાન્ય પોસ્ટથી સોશિયલ મીડિયા પર વિવાદ

ટેસ્લામાં AI અને ઓટોપાયલટ વિઝનના ડાયરેક્ટર રહી ચૂકેલા આન્દ્રે કારપેથીએ આ વર્ષની શરૂઆતમાં એન્થ્રોપિક કંપની જોઈન કરી હતી. તેમણે X પર એન્થ્રોપિકના નવા 'ક્લોડ ટેગ વર્કફ્લો' ફીચરની પ્રશંસા કરી હતી. તેમણે આ ફીચરને એઆઈ સાથે કામ કરવાની એક નવી અને ક્રાંતિકારી રીત ગણાવી હતી. આ પોસ્ટ જોયા બાદ ઘણા યુઝર્સે આખી વિગત વાંચ્યા વગર જ પ્લેટફોર્મ પર ખોટી સરખામણી કરીને મોટી બહેસ શરૂ કરી દીધી હતી.

Elon Musk Andrej Karpathy: આન્દ્રે કારપેથીએ X ને રેડિટ જેવું અને ઝેરી ગણાવ્યું

આ બિનજરૂરી ટ્રોલિંગ અને ચર્ચાથી પરેશાન થઈને કારપેથીએ બીજી એક પોસ્ટ શેર કરી હતી. તેમણે લખ્યું કે તેઓ છેલ્લા લગભગ 20 વર્ષથી આ પ્લેટફોર્મનો ઉપયોગ કરી રહ્યા છે. આટલા લાંબા સમયમાં પ્લેટફોર્મ ક્યારેય આટલું બધું ટોક્સિક અને રેડિટ જેવું નહોતું લાગ્યું. સોશિયલ મીડિયાનું અલ્ગોરિધમ જ આવી નકારાત્મક બાબતોને પ્રોત્સાહન આપે છે. આ જ કારણસર હવે તેઓ આ પ્લેટફોર્મ પર ખૂબ ઓછો સમય વિતાવે છે.

એલોન મસ્કે અલ્ગોરિધમ બદલવાની આપી ખાતરી

આન્દ્રે કારપેથીની આ ટીકાત્મક પોસ્ટ એલોન મસ્ક સુધી પહોંચતા જ તેમણે તરત જ તેનો જવાબ આપ્યો હતો. મસ્કે ટિપ્પણી કરતા સ્વીકાર્યું કે પ્લેટફોર્મના અલ્ગોરિધમને સંપૂર્ણપણે સુધારવાની જરૂર છે. જોકે મસ્કે સિસ્ટમમાં કયા ચોક્કસ ફેરફારો કરવામાં આવશે તેની કોઈ સ્પષ્ટ જાહેરાત કરી નથી. પરંતુ તેમની વાત પરથી સ્પષ્ટ સંકેત મળે છે કે પ્લેટફોર્મ પર વાતચીતનું સ્તર સુધારવા માટે કમ્પ્યુટર સિસ્ટમમાં મોટા ફેરફારો ટૂંક સમયમાં જોવા મળી શકે છે.

આ પણ વાંચો----  Apple Product Price Hike: મોંઘા થયા એપલ પ્રોડક્ટ્સ!, ભાવવધારો જાણી ઉડી જશે તમારા હોશ