Fraud: Jioના નામ પર આવે આવો મેસેજ તો થઇ જશો સાવધાન, બેન્ક એકાઉન્ટ થઇ જશે ખાલી

• દેશમાં આજકાલ સાયબર ક્રાઈમના કેસ ઝડપથી વધી
• લોકોને છેતરવાનો પ્રયાસ કરી રહ્યા
• તમારા ફોનમાં ડાઉનલોડ થઇ શકે છે

Jio Online Fraud: દેશમાં આજકાલ સાયબર ક્રાઈમના કેસ ઝડપથી વધી રહ્યા છે. સ્કેમર્સ નવી રીતે લોકોને છેતરવાનો પ્રયાસ કરી રહ્યા છે. અગાઉ આ સ્કેમર્સ બેન્ક, પોલીસ અથવા સરકારી અધિકારીઓ હોવાનો ઢોંગ કરીને છેતરપિંડી કરતા હતા, જેને ડિજિટલ અરેસ્ટ પણ કહેવામાં આવે છે. પરંતુ હવે તેઓ દેશની જાણીતી ટેલિકોમ કંપની Jioના નામનો ઉપયોગ કરીને લોકોને છેતરવાનો પ્રયાસ કરી રહ્યા છે.

નકલી મેસેજનો ખુલાસો

સાયબર સુરક્ષા સાથે સંબંધિત સરકારી એજન્સી "સાયબર દોસ્ત" એ સોશિયલ મીડિયા પ્લેટફોર્મ X પર ચેતવણી જાહેર કરી છે. એવું કહેવામાં આવ્યું છે કે Jioના નામે નકલી મેસેજ મોકલવામાં આવી રહ્યા છે, જેમાં APK ફાઇલ ડાઉનલોડ કરવાની લિંક છે. આ ફાઇલને ડાઉનલોડ કરવાથી તમારો ફોન હેક થઈ શકે છે, જે તમારી પ્રાઈવસી અને ડેટાને જોખમમાં મૂકી શકે છે.

આ પણ  વાંચો -Mobile charger: નકલી ચાર્જરથી ફોન બ્લાસ્ટ થઇ શકે છે! આ BIS એપ વડે કરો અસલી-નકલીની ઓળખ

‘સાયબર દોસ્ત’એ ચેતવણી આપી

પોસ્ટમાં કહેવામાં આવ્યું છે કે, "સાવધાન! જો તમને "Jio internet speed #5G network connection.apk" નામની ફાઇલ ડાઉનલોડ કરવાનો મેસેજ મળે, તો તેને ઓપન કરશો નહીં. આ ખતરનાક ફાઇલ તમારા ફોનને હેક કરી શકે છે અને તમારો ડેટા ચોરી શકે છે. સુરક્ષિત રહેવા માટે ફક્ત સત્તાવાર એપ સ્ટોરમાંથી જ એપ્સ ડાઉનલોડ કરો.

આ પણ  વાંચો -Elon Muskબદલ્યું પોતાનું નામ, X પર બન્યા Kekius Maximus, જાણો શું છે તેનો અર્થ

APK ફાઇલનો ખતરો

APK ફાઇલોમાં છુપાયેલ માલવેયર તમારા ફોનમાં ડાઉનલોડ થઇ શકે છે. તે કોઈ એપ જેવું લાગતું નથી, તેથી તેને પકડવું મુશ્કેલ છે. પરંતુ તે તમારો અંગત ડેટા ચોરી શકે છે અને સ્કેમર્સને મોકલી શકે છે. આના દ્વારા તમારો ફોન હેક થઈ શકે છે.

આ પણ  વાંચો -1 જાન્યુઆરીથી બદલાશે UPI, WhatsApp, Amazon Primeના નિયમો, આજે જ જાણો

જિયોનો દુરુપયોગ

Jio એ ભારતની સૌથી મોટી ટેલિકોમ કંપનીઓમાંની એક છે, જેના કરોડો યુઝર્સ છે. તે તેની ઝડપી ઇન્ટરનેટ સેવા અને સારી કનેક્ટિવિટીને કારણે દેશભરમાં લોકપ્રિય છે. સ્કેમર્સ આનો ફાયદો ઉઠાવીને લોકોને ગેરમાર્ગે દોરવાનો પ્રયાસ કરી રહ્યા છે.