Gmail Selfie Video Verification : તમારો ફોન ખોવાઈ ગયો કે પાસવર્ડ ભૂલી ગયા? ગૂગલની નવી સેલ્ફી વીડિયો સુવિધા તમને આપશે Gmail ઍક્સેસ

Gmail Selfie Video Verification :  જીમેલ સાઇન-ઇન માટે સેલ્ફી વિડીયો

તમારા જીમેલ લોગિનને વધુ સુરક્ષિત અને સરળ બનાવવા માટે ગૂગલ દ્વારા નવી સેલ્ફી વિડીયો સુવિધા શરૂ કરવામાં આવી છે. આ સુવિધાની મદદથી જો તમે પાસવર્ડ ભૂલી જાવ અથવા ફોન ખોવાઈ જાય, તો પણ તમે સરળતાથી તમારા એકાઉન્ટને એક્સેસ કરી શકો છો. આ સેટઅપ કરવું ખૂબ જ સરળ છે, જે જીમેલ સેટિંગ્સના સુરક્ષા અને સાઇન-ઇન વિભાગમાં ઉપલબ્ધ છે. આ પ્રક્રિયા આઈફોન આઈડી સેટઅપ જેવી જ છે, જેમાં કેમેરા સામે ચહેરો રાખીને અલગ-અલગ ખૂણાથી વિડીયો રેકોર્ડ કરવો પડે છે.

AI અને ડીપફેક્સ સુરક્ષા

આર્ટિફિશિયલ ઇન્ટેલિજન્સ અને ડીપફેક્સના વધતા જોખમને ધ્યાનમાં રાખીને, આ સિસ્ટમ અત્યંત સ્માર્ટ બનાવવામાં આવી છે. તે ચકાસણી કરશે કે રેકોર્ડ કરવામાં આવેલ વિડીયો લાઈવ અને ઓરિજિનલ છે કે નહીં. ચકાસણી દરમિયાન તમને માથું ફેરવવાની કે કેટલીક સામાન્ય હિલચાલ કરવાની સૂચના મળી શકે છે. જો તમારો ફોન ચોરાઈ જાય તો પણ અન્ય ઉપકરણ દ્વારા આ પદ્ધતિથી લોગઈન કરીને તમે તમારો ફોન ટ્રેક કરી શકો છો અથવા ડેટા સુરક્ષિત કરી શકો છો.

આ પણ વાંચો : Battery Saving Tips : ફોનની બેટરી ઝડપથી ખતમ થાય છે? Googleની આ 5 એપ્સ હોઈ શકે છે જવાબદાર