• Google WeatherNeXt 2
• WeatherNeXt 2: હવામાન આગાહીનો નવો યુગ!
• Googleનું WeatherNeXt 2: 99.9% સચોટ હવામાન આગાહી
• Googleનું નવું AI મોડેલ: Temperature, Rainfall અને Windની સચોટ માહિતી

Google WeatherNeXt 2 : આજે આપણે એક એવી ટેક્નોલોજી વિશે વાત કરવા જઈ રહ્યા છીએ, જે આપણા રોજિંદા જીવનની એક ખૂબ જ અગત્યની જરૂરિયાતને કાયમ માટે બદલી નાખશે. ગૂગલે (Google) તેની બહુ-પ્રતીક્ષિત AI-આધારિત હવામાન આગાહી સેવા, 'વેધરનેક્સ્ટ 2' (WeatherNeXt 2) શરૂ કરી દીધી છે. કંપનીનો દાવો છે કે આ નવી સેવા દ્વારા કરવામાં આવેલી આગાહીઓ 99.9% જેટલી સચોટ હશે! આ માત્ર એક સુધારો નથી, પણ હવામાન આગાહીના ક્ષેત્રમાં એક ક્રાંતિ છે. આ મોડેલ કેવી રીતે કામ કરે છે અને તે આપણા માટે શું બદલશે, ચાલો વિગતમાં સમજીએ.

AI ના સહારે હવામાનની દુનિયામાં મોટી છલાંગ

Google આર્ટિફિશિયલ ઇન્ટેલિજન્સ (AI) નો ઉપયોગ કરીને હવામાનની આગાહીની જૂની પદ્ધતિઓને પડકારી રહ્યું છે. 'વેધરનેક્સ્ટ 2' એ વર્ષોના સંશોધનનું પરિણામ છે. આ સિસ્ટમ હવામાનના લાખો ડેટા પોઇન્ટ્સ અને પેટર્નનું વિશ્લેષણ કરીને આગાહી કરે છે. Google નું નવું 'વેધરનેક્સ્ટ 2' મોડેલ તેના જૂના મોડેલોની સરખામણીમાં માત્ર વધુ સચોટ જ નથી, પણ તેની ઝડપમાં પણ ક્રાંતિકારી પરિવર્તન લાવ્યું છે. પરંપરાગત હવામાન આગાહી મોડેલો, જે જટિલ ભૌતિકશાસ્ત્રના નિયમો પર આધારિત હોય છે, તેમને એક આગાહી જનરેટ કરવામાં કલાકો લાગી જતા હતા. જોકે, Google એ ખાસ ડિઝાઇન કરેલી TPU ચિપ્સ (Tensor Processing Units) ની મદદથી આ જટિલ ગણતરીઓ હવે એક મિનિટથી પણ ઓછા સમયમાં પૂરી કરી શકાય છે. આ અવિશ્વસનીય ઝડપ સામાન્ય જનતા માટે તો લાભદાયી છે જ, પરંતુ તે કૃષિ, એવિએશન (વિમાન ઉદ્યોગ) અને ડિઝાસ્ટર મેનેજમેન્ટ (આપત્તિ વ્યવસ્થાપન) જેવા ઉદ્યોગો માટે પણ નિર્ણાયક સાબિત થશે, જેઓ રીઅલ-ટાઇમ અને ઉચ્ચ-રિઝોલ્યુશનની આગાહીઓ પર નિર્ભર હોય છે.

99.9% સચોટતા : વેધરનેક્સ્ટ 2 ની વિગતવાર આગાહી

હવામાનની આગાહીમાં ચોકસાઈ હંમેશા એક મોટો પડકાર રહી છે, પરંતુ Google નું નવું 'વેધરનેક્સ્ટ 2' મોડેલ આ પડકારને દૂર કરવાનો દાવો કરે છે. કંપનીના દાવા મુજબ, આ AI-આધારિત મોડેલની આગાહીઓ 99.9% જેટલી સચોટ હશે, જે હવામાનની માહિતીના સ્તરમાં જબરદસ્ત સુધારો લાવશે. આ મોડેલ હવે 3 મુખ્ય હવામાન પરિબળોની વિગતવાર આગાહી કરી શકશે: તાપમાન (Temperature)નું સચોટ સ્તર, વરસાદ (Rainfall) ક્યારે, ક્યાં અને કેટલો પડશે તેની ચોક્કસ માહિતી, અને પવનની ગતિ (Wind Speed) ની દિશા અને વેગ. આ ઉચ્ચ સ્તરની સચોટતા ખાસ કરીને ખેડૂતોને પાકનું આયોજન કરવામાં અને દરિયાઈ પ્રવૃત્તિઓ સાથે જોડાયેલા લોકોને તેમના કામકાજનું સુરક્ષિત રીતે આયોજન કરવામાં નિર્ણાયક મદદરૂપ સાબિત થશે.

Google ના તમામ પ્લેટફોર્મ પર 'વેધરનેક્સ્ટ 2'નું એકીકરણ

આપને જણાવી દઇએ કે, Google એ પોતાના શક્તિશાળી AI મોડેલ વેધરનેક્સ્ટ 2ને માત્ર સંશોધન પૂરતું સીમિત ન રાખતા, તેને તેના મુખ્ય પ્લેટફોર્મ્સમાં એકીકૃત (Integrate) કરવાનું શરૂ કરી દીધું છે, જેથી લાખો Users માટે સચોટ હવામાન માહિતી મેળવવી અત્યંત સરળ બની જશે. આ નવી સેવા હવે Google ની મુખ્ય સેવાઓ જેમ કે Google Search (સર્ચ) માં સીધી હવામાન માહિતી આપશે, Google Maps (નકશા) માં ટ્રાવેલ પ્લાનિંગ માટે રસ્તામાં આવતા હવામાનની જાણ કરશે, Gemini (જેમિની) AI આસિસ્ટન્ટ દ્વારા માંગવા પર સચોટ આગાહી પૂરી પાડશે, અને Pixel Weather દ્વારા Google ના પિક્સેલ ફોનમાં બિલ્ટ-ઇન હવામાન એપ્લિકેશનને વધુ બહેતર બનાવશે. આ ઉપરાંત, રીઅલ-ટાઇમ હવામાન ડેટાનો ઉપયોગ કરીને અસરકારક નિર્ણયો લેવા માટે મોટા ઉદ્યોગો અને સરકારી સંસ્થાઓ માટે પ્રારંભિક ઍક્સેસ પ્રોગ્રામ (Early Access Program) પણ શરૂ કરવામાં આવશે.

આ પણ વાંચો :   આજથી સોશિયલ મીડિયા માટે નવા IT નિયમો અમલમાં! Instagram, YouTube અને X જેવા પ્લેટફોર્મ પર પડશે અસર