શું બદલાવ થવાનો છે?

અત્યાર સુધી Google Drive for Desktopમાં કમ્પ્યુટરના કોઈપણ ફોલ્ડરને પસંદ કરીને તેને Google Photos સાથે સિંક (Sync) કરી શકાતું હતું. એટલે કે, તે ફોલ્ડરમાં નવી તસવીર કે વીડિયો ઉમેરવામાં આવે ત્યારે તે આપમેળે Google Photosમાં અપલોડ (Upload) થઈ જતા હતા. હવે Google આ સુવિધા બંધ કરી રહ્યું છે. કંપનીએ નવા Google Photos Backup Folders બનાવવાનો વિકલ્પ પણ પહેલેથી જ હટાવી દીધો છે. જૂના ફોલ્ડર્સ હાલ ટ્રાન્ઝિશન (Transition) સમયગાળા દરમિયાન સિંક થઈ રહ્યા છે, પરંતુ 10 ઓગસ્ટ 2026 પછી આ સુવિધા સંપૂર્ણપણે બંધ થઈ જશે.

કોના પર પડશે અસર?

આ ફેરફાર ખાસ કરીને એવા Windows અને Mac Usersને અસર કરશે, જેઓ કમ્પ્યુટર પરથી Google Drive for Desktopની મદદથી ફોટા Google Photosમાં મોકલે છે. પરંતુ જો તમે માત્ર Android અથવા iPhoneમાંથી Google Photosમાં ફોટાનું બેકઅપ લો છો, તો તમારે કોઈ ફેરફાર કરવાની જરૂર નથી. તેવી જ રીતે, જો તમે ક્યારેય Drive for Desktopનું ફોટો બેકઅપ ફીચર (Photo Backup Feature) ઉપયોગમાં લીધું નથી, તો આ અપડેટની તમારા પર કોઈ અસર નહીં થાય.

Google આ સુવિધા કેમ બંધ કરી રહ્યું છે?

Google હવે ફોટા અને વીડિયોનું બેકઅપ (Backup) Google Driveથી અલગ કરીને સીધું Google Photosની અંદર મેનેજ (Manage) કરવા માંગે છે. એટલે ભવિષ્યમાં ફોટા અને વીડિયો બેકઅપ સંબંધિત પ્રક્રિયા એક જ જગ્યાએથી સંભાળી શકાશે. સામાન્ય યુઝર્સને કદાચ આ બદલાવથી ખાસ મુશ્કેલી નહીં પડે, પરંતુ ફોટોગ્રાફર્સ (Photographers), કન્ટેન્ટ ક્રિએટર્સ (Content Creators) અને એવા લોકો માટે આ ફેરફાર મહત્વપૂર્ણ છે, જેઓ કેમેરામાંથી ફોટા પહેલા કમ્પ્યુટરમાં ટ્રાન્સફર કરે છે અને ત્યારબાદ તેને ક્લાઉડમાં બેકઅપ કરે છે.

મહત્વની વાત

Google Photos બંધ થઈ રહ્યું નથી. તમારી જૂની તસવીરો પણ ડિલીટ થવાની નથી. માત્ર Google Drive for Desktopથી Google Photosમાં ઓટોમેટિક બેકઅપની સુવિધા બંધ થશે. તેથી જો તમે આ ફીચરનો ઉપયોગ કરો છો, તો સમયસર નવો બેકઅપ વિકલ્પ સેટ કરવો યોગ્ય રહેશે.

આ પણ વાંચો : Google in big Trouble : ગૂગલના પાયા હચમચી ગયા! 4 દિગ્ગજોએ કંપની છોડતા ઉઠ્યા અનેક સવાલો