હવે 15GB સ્ટોરેજમાં આ તમામ ડેટાનો સમાવેશ થશે

કંપનીના જણાવ્યા અનુસાર, હવે તમારા એન્ડ્રોઇડ ફોન (Android Phone) નો તમામ બેકઅપ ડેટા (Backup Data) જેમ કે મેસેજ/SMS અને કોલ હિસ્ટ્રી (Call History) પણ ગૂગલ એકાઉન્ટ સાથે મળતા ફ્રી 15GB સ્ટોરેજમાં જ ગણવામાં આવશે. એટલે કે, હવે તમારા ફોનના બેકઅપને સાચવવા માટે કોઈ અલગથી સ્પેસ નહીં મળે. જીમેલના મેસેજ અને ગૂગલ ફોટોઝની જેમ જ આ ડેટાએ પણ તે જ મર્યાદિત 15GB માં પોતાની જગ્યા બનાવવી પડશે.

પહેલા શું નિયમ હતો અને હવે શું બદલાયું? (Google Storage Update)

પહેલા ગૂગલ સ્ટોરેજના મામલે ઘણું ઉદાર હતું. તે સમયે એન્ડ્રોઇડ ફોનના બેકઅપમાંથી માત્ર ફોટોઝ, વીડિયો અને મેસેજ (MMS) માં આવેલી ફાઇલો જ ફ્રી સ્ટોરેજમાં ગણાતી હતી. જોકે, તાજેતરમાં 7 જુલાઈથી લાગુ થયેલા નવા નિયમો હેઠળ, હવે તમારા ડિવાઇસ દ્વારા ક્લાઉડ (Cloud) પર બેકઅપ લેવાતો દરેક ડેટા આમાં ગણવામાં આવશે. જેમાં સામાન્ય SMS મેસેજ, આખી કોલ હિસ્ટ્રી, ડિવાઇસ સેટિંગ્સ (Device Settings), વોલપેપર, ઇન્સ્ટોલ કરેલી એપ્સ અને એપ ડેટા (App Data) નો પણ સમાવેશ થાય છે. એન્ડ્રોઇડ બેકઅપ યુઝર્સને નવો ફોન સેટ કરતી વખતે ડેટા સરળતાથી રિકવર (Recover) કરવાની સુવિધા આપે છે, પરંતુ હવે આ બધું જ તમારા ફ્રી ક્વોટામાં ગણાશે.

સ્ટોરેજ બચાવવાનો સરળ ઉપાય

આ નવી સમસ્યાનો સામનો કરવા માટે ગૂગલે યુઝર્સને એક નવો વિકલ્પ આપ્યો છે. એન્ડ્રોઇડ ફોનની સેટિંગ્સમાં એક નવું ઓન/ઓફ ટોગલ (On/Off Toggle) ફીચર આપવામાં આવી રહ્યું છે. આનાથી યુઝર્સ પોતે જ નક્કી કરી શકશે કે તેમણે કઈ એપ કે ડેટાનો બેકઅપ લેવો છે. ટૂંક સમયમાં જ SMS, કોલ રેકોર્ડ્સ કે ડિવાઇસ સેટિંગ્સના બેકઅપને સંપૂર્ણપણે મેનેજ કરવાના ઓપ્શન્સ (Options) સ્ક્રીન પર જોવા મળશે.

યુઝર્સ માટે કેમ વધી મુશ્કેલી?

જે યુઝર્સનું કામ અત્યાર સુધી 15GB ફ્રી સ્ટોરેજથી સરળતાથી ચાલી જતું હતું, તેમના માટે હવે મુશ્કેલીઓ વધી શકે છે. કોલ હિસ્ટ્રી, ટેક્સ્ટ મેસેજ અને હેવી એપ ડેટાના કારણે આ સ્ટોરેજ ખૂબ જ ઝડપથી ભરાઈ જશે, જેના લીધે લોકોએ નાછૂટકે ગૂગલ વન (Google One) નું પેઇડ સ્ટોરેજ સબ્સ્ક્રિપ્શન ખરીદવું પડી શકે છે.

આ પણ વાંચો : Meta Penalty : મેટાને ₹1.2 ટ્રિલિયનનો દંડ? ફેસબુક-ઇન્સ્ટાગ્રામ પર બાળકોને વ્યસની બનાવવાનો ગંભીર આરોપ