• Honda Scooter એ લોન્ચ કર્યું હોન્ડા PCX 160
• આ સ્કૂટર બ્રાઝિલમાં સતત બેસ્ટસેલર રહ્યું છે
• ભારતમાં ટૂંક સમયમાં લોન્ચ થશે

હોન્ડા ટુ-વ્હીલર્સે તેના લોકપ્રિય પ્રીમિયમ મેક્સી-સ્કૂટર હોન્ડા PCX 160નું 2026 મોડેલ રજૂ કર્યું છે. 2012માં પ્રથમ વખત લોન્ચ થયેલું આ સ્કૂટર બ્રાઝિલમાં સતત બેસ્ટસેલર રહ્યું છે. અને હાલમાં તેની શ્રેણીમાં લગભગ 33% બજાર હિસ્સો ધરાવે છે. નવા મોડેલમાં આકર્ષક રંગ વિકલ્પો અને આધુનિક ફીચર્સ ઉમેરવામાં આવ્યા છે, જે તેને શહેરી ગતિશીલતા માટે વધુ આકર્ષક અને અનુકૂળ બનાવે છે.

Honda Scooter ત્રણ વેરિઅન્ટમાં ઉપલબ્ધ

નોંઘનીય છે કે   આ સ્કૂટર ત્રણ વેરિઅન્ટમાં ઉપલબ્ધ છે.  PCX CBS, PCX ABS અને PCX DLX ABS, જેમાં પર્લ વ્હાઇટ, પર્લ સ્પેન્સર બ્લૂ અને મેટાલિક બ્લેક જેવા નવા રંગોનો સમાવેશ થાય છે. તે 156.9 સીસીના લિક્વિડ-કૂલ્ડ એન્જિન સાથે આવે છે. જે 16 હોર્સપાવર આપે છે.  અને LED લાઇટિંગ, ડિજિટલ ડિસ્પ્લે, 30-લિટર અંડરસીટ સ્ટોરેજ અને USB ચાર્જિંગ પોર્ટ જેવી સુવિધાઓથી સજ્જ છે. જે તેને શહેરી રાઇડર્સ માટે સક્ષમ બનાવે છે.

Honda Scooter  ટુ-વ્હીલર્સમાં શું છે નવું ?

2026 હોન્ડા PCX 160 ત્રણ પ્રકારોમાં ઉપલબ્ધ છે - PCX CBS, PCX ABS અને PCX DLX ABS.

PCX CBS: પર્લ વ્હાઇટ - કિંમત R$ 18,340 (આશરે ₹2.98 લાખ)

PCX ABS: પર્લ સ્પેન્સર બ્લુ - કિંમત R$ 20,170 (આશરે ₹3.28 લાખ)

PCX DLX ABS: મેટાલિક બ્લેક - કિંમત R$ 20,640 (આશરે ₹3.35 લાખ)

Honda Scooter  ટુ-વ્હીલર્સનું એન્જિન

આ સ્કૂટરમાં 156.9cc, સિંગલ-સિલિન્ડર, લિક્વિડ-કૂલ્ડ એન્જિન છે જે 16hp પાવર અને 14.7Nm ટોર્ક જનરેટ કરે છે. તે V-Matic ઓટોમેટિક ગિયરબોક્સ સાથે જોડાયેલું છે, જે રાઈડને સરળ અને આરામદાયક બનાવે છે.

Honda Scooter   Honda PCX 160 ના ફિચર્સ

પ્રીમિયમ રાઈડિંગ અનુભવ આપવા માટે Honda ના નવા સ્કૂટરમાં ઘણી અદ્યતન સુવિધાઓ ઉમેરવામાં આવી છે. તેમાં LED હેડલાઇટ, મોટી વિન્ડસ્ક્રીન, સ્ટેપ-અપ સીટ અને સ્પોર્ટી અપસ્વીપ્ટ એક્ઝોસ્ટ છે. સ્કૂટરની સીટની ઊંચાઈ 764mm છે અને ગ્રાઉન્ડ ક્લિયરન્સ 134mm છે. વજનની વાત કરીએ તો, CBS વેરિઅન્ટનું વજન 124kg છે અને ABS વેરિઅન્ટનું વજન 126kg છે.
ડિજિટલ LCD ડિસ્પ્લે સ્પીડોમીટર, ટ્રિપ મીટર, ઓડોમીટર, બેટરી સૂચક, V-બેલ્ટ ચેતવણી અને ફ્યુઅલ ગેજ જેવી માહિતી પ્રદાન કરે છે. તેમાં 30 લિટર અંડર-સીટ સ્ટોરેજ, ફ્રન્ટ સ્ટોરેજ સ્પેસ અને USB ટાઇપ-C ચાર્જિંગ પોર્ટ પણ છે.

Honda Scooter  સસ્પેન્શન અને બ્રેકિંગ

PCX 160 માં ટેલિસ્કોપિક ફ્રન્ટ ફોર્ક અને ડ્યુઅલ રીઅર શોક્સ સાથે અંડરબોન ફ્રેમ છે.  જે 100mm સસ્પેન્શન ટ્રાવેલ આપે છે. તેમાં ફ્રન્ટ 14-ઇંચ વ્હીલ (110/70 ટાયર) અને રીઅર 13-ઇંચ વ્હીલ (130/70 ટાયર) મળે છે. બ્રેકિંગ માટે, ABS વેરિઅન્ટમાં સિંગલ-ચેનલ ABS છે જેમાં આગળ અને પાછળ બંને બાજુ 220mm ડિસ્ક છે, જ્યારે CBS વેરિઅન્ટમાં ફ્રન્ટ ડિસ્ક અને રીઅર ડ્રમ બ્રેક સેટઅપ છે.

ભારતમાં લોન્ચ થવાની શક્યતા

હોન્ડાએ ભારતમાં PCX 160 નું ટ્રેડમાર્ક પહેલેથી જ રજીસ્ટર કરાવી દીધું છે. પરંતુ તેની સત્તાવાર લોન્ચ તારીખ હજુ સુધી નક્કી કરવામાં આવી નથી. એપ્રિલિયા SXR 160, યામાહા એરોક્સ 155 અને હીરો ઝૂમ 160 જેવા વિકલ્પો ભારતીય બજારમાં પહેલાથી જ ઉપલબ્ધ છે. ભારતીય બજારમાં Honda PCX 160 નું આગમન સંપૂર્ણપણે શક્ય માનવામાં આવે છે.

આ પણ વાંચો:  SAMSUNG ફ્રીમાં બદલી આપશે આ સ્માર્ટફોનની સ્ક્રીન, કંપની આપી રહી છે રિપ્લેસમેંટ સુવિધા