Ethanol 85: હવે પેટ્રોલ નહીં, 'દારૂ' થી દોડશે ગાડીઓ! જાણો સરકારનો નવો પ્લાન
- હવે 85% એથેનોલવાળું E85 ફ્યુઅલ (Ethanol 85) આવશે
- પેટ્રોલની સરખામણીએ કિંમતોમાં જોવા મળશે મોટો ઘટાડો
- ક્રૂડ ઓઈલની આયાત ઘટાડવા સરકારનો મોટો નિર્ણય
- ખેડૂતોને થશે સીધો ફાયદો, મકાઈ અને શેરડીમાંથી બનશે ઈંધણ
- નવા ફ્લેક્સ-ફ્યુઅલ એન્જિનવાળા વાહનોની પડશે જરૂરિયાત
ભારત સરકાર હવે ગ્રીન ફ્યુઅલ તરફ વધુ એક ડગલું આગળ વધી રહી છે. મિડલ ઈસ્ટમાં ચાલી રહેલા તણાવ અને ક્રૂડ ઓઈલની વધતી કિંમતો વચ્ચે ભારત પોતાની આયાત નિર્ભરતા ઘટાડવા માટે E85 ફ્યુઅલ (Ethanol 85) લોન્ચ કરવા જઈ રહ્યું છે. આ ઈંધણ ખાસ કરીને ફ્લેક્સ-ફ્યુઅલ વ્હીકલ્સ (Flex-Fuel Vehicles) માટે ગેમ ચેન્જર સાબિત થશે.
Ethanol 85 ફ્યુઅલ શું છે?
E85 એ ઉચ્ચ સ્તરનું એથેનોલ મિશ્રણ ધરાવતું ઈંધણ (Ethanol 85) છે. જેમાં 85% એથેનોલ અને 15% પેટ્રોલ હોય છે. અત્યારે ભારતમાં E20 પેટ્રોલનો ઉપયોગ થઈ રહ્યો છે, પરંતુ E85 તેનાથી ઘણું આગળ છે. રિપોર્ટ્સ મુજબ, આ ઈંધણ સામાન્ય પેટ્રોલ કરતા ઘણું સસ્તું પડશે, જેનાથી સામાન્ય જનતાના ખિસ્સા પરનો બોજ ઘટશે.
સરકારની તૈયારી અને અમલીકરણ
મીડિયા રિપોર્ટ્સ અનુસાર, કેન્દ્ર સરકાર ટૂંક સમયમાં E85 ફ્યુઅલ (Ethanol 85) માટે ડ્રાફ્ટ નિયમો જારી કરી શકે છે. વરિષ્ઠ સરકારી અધિકારીઓના જણાવ્યા મુજબ, આ અંગે આંતરિક સહમતિ બની ગઈ છે અને પ્રારંભિક ટેસ્ટિંગ પણ સફળતાપૂર્વક પૂર્ણ થઈ ગયું છે. જોકે, તેને સંપૂર્ણપણે અમલમાં આવતા 1 થી 2 વર્ષનો સમય લાગી શકે છે કારણ કે તેના માટે વાહનોના એન્જિન અને પેટ્રોલ પંપના ઈન્ફ્રાસ્ટ્રક્ચરમાં ફેરફાર કરવા જરૂરી છે.
શું તમારી કારમાં આ ઈંધણ ચાલશે?
દરેક વાહનમાં E85 ફ્યુઅલ (Ethanol 85) વાપરી શકાશે નહીં. આ માટે ખાસ પ્રકારના ફ્લેક્સ-ફ્યુઅલ એન્જિન (FFV Engine) ની જરૂર પડશે. જો સામાન્ય પેટ્રોલ એન્જિનમાં આ ઈંધણ નાખવામાં આવે તો એન્જિનને નુકસાન થઈ શકે છે. તેથી, ઓટોમોબાઈલ કંપનીઓએ હવે નવા એન્જિન પર ધ્યાન કેન્દ્રિત કરવું પડશે.
આ પણ વાંચો : KTM 390 Duke 350cc : હવે ડ્યુક ખરીદવી થશે સસ્તી! જાણો નવા મોડલમાં શું બદલાયું?