મોંઘા પેટ્રોલ વચ્ચે પણ દેશમાં 25.31 લાખથી વધુ વાહનોનું રજીસ્ટ્રેશન
ફાડા (FADA) ના અહેવાલ મુજબ, મે 2026 દરમિયાન દેશભરમાં કુલ 2 .૩૧ લાખ વાહનોની નોંધણી થઈ છે. જો કે, એપ્રિલ 20 seasonal ના વેચાણની સરખામણીએ આ આંકડો 6.8 ટકા ઓછો છે, પરંતુ નિષ્ણાતો તેને ચોમાસાના આગમનમાં વિલંબ અને મોસમી ફેરફારોનું સામાન્ય કારણ માની રહ્યા છે. ઓટો ડીલર્સના મતે આગામી મહિનાઓમાં ખરીફ પાકની વાવણી અને ગ્રામીણ વિસ્તારોમાં આવક વધવાની સાથે જ વાહનોની માંગમાં હજુ મોટો ઉછાળો જોવા મળી શકે છે.
પેસેન્જર કાર અને એસયુવીના વેચાણે તોડ્યા તમામ જૂના રેકોર્ડ
"મે મહિનામાં પેસેન્જર વ્હીકલ સેગમેન્ટે સૌથી શાનદાર પ્રદર્શન કર્યું છે. આ ગાળામાં કુલ 4,02,591 કારનું વેચાણ થયું છે, જે ગયા વર્ષના સમાન ગાળા કરતા 23.3 ટકા વધુ છે. ખાસ કરીને નાના શહેરો અને ગ્રામીણ બજારોમાં માંગ 30.4 ટકા વધી છે." - ઓટોમોબાઈલ ડીલર એસોસિએશન રિપોર્ટ
બજારમાં નવા મોડલના લોન્ચિંગ અને સરળ ફાઇનાન્સ વિકલ્પો ઉપલબ્ધ થવાના કારણે ગ્રાહકોમાં એસયુવી (SUV) અને નાની કાર ખરીદવાનો ક્રેઝ સતત વધી રહ્યો છે.
સીએનજી અને ઇલેક્ટ્રિક વ્હીકલ તરફ ગ્રાહકોની પહેલી પસંદગી, વેચાણ 11 ટકા પાર
વૈકલ્પિક બળતણ વાળા વાહનોની બજાર હિસ્સેદારીમાં આ મહિને મોટો પ્રોગ્રેસ જોવા મળ્યો છે. કુલ પેસેન્જર વ્હીકલ વેચાણમાં સીએનજી (CNG) કારનો હિસ્સો 23.3 ટકા અને ઇલેક્ટ્રિક કાર (EV) નો હિસ્સો 6.6 ટકા નોંધાયો છે. એટલે કે કુલ વેચાણના 38 ટકાથી વધુ હિસ્સો વૈકલ્પિક ઇંધણ આધારિત વાહનોનો રહ્યો છે.
તમામ કેટેગરીમાં EV એ ઐતિહાસિક સપાટી વટાવી
બીજી તરફ, ટૂ-વ્હીલર માર્કેટમાં પણ 7.5 ટકાના ગ્રોથ સાથે 18.4 લાખ બાઇક અને સ્કૂટર વેચાયા છે. શહેરી વિસ્તારોમાં આ વૃદ્ધિ 11.8 ટકા રહી છે. આ સેગમેન્ટમાં ઇલેક્ટ્રિક ટૂ-વ્હીલરની લોકપ્રિયતા ગયા વર્ષના 6.11 ટકાથી વધીને હવે 9.25 ટકાએ પહોંચી ગઈ છે. આ ઉપરાંત કોમર્શિયલ વાહનોના વેચાણમાં 5.3 ટકા અને ખરીફ સીઝનની તૈયારીઓને કારણે ટ્રેક્ટરના વેચાણમાં 11.2 ટકાનો મજબૂત વધારો જોવા મળ્યો છે. ફાડાના મતે, ભારતીય ઓટો હિસ્ટ્રીમાં પહેલીવાર તમામ કેટેગરીમાં ઇવી (EV) નો કુલ હિસ્સો 11 ટકાની ઐતિહાસિક સપાટીને વટાવી ગયો છે.
આ પણ વાંચો : Car Insurance Claim : વાવાઝોડામાં કારને થયેલા નુકસાનનો વીમો કેવી રીતે મેળવવો? જાણો નિયમો
