Instagram Plus Subscription Plan : શું હવે ઈન્સ્ટાગ્રામ વાપરવા માટે તમારે પૈસા આપવા પડશે? જાણો મેટાના નવા અપડેટ માટે

 Instagram Plus Subscription Plan: શું આ પ્લાન ફ્રી યુઝર્સ માટે પરિવર્તન લાવશે?

ઈન્સ્ટાગ્રામ પ્લસના લોન્ચિંગ બાદ અનેક યુઝર્સના મનમાં પ્રશ્ન છે કે શું હવે ઈન્સ્ટાગ્રામ વાપરવા માટે પૈસા આપવા પડશે? કંપનીએ આ શંકા દૂર કરતા સ્પષ્ટ કહ્યું છે કે ઈન્સ્ટાગ્રામ જે રીતે ફ્રી છે તે રીતે જ રહેશે. તમામ સામાન્ય સુવિધાઓ જેવી કે પોસ્ટિંગ, મેસેજિંગ અને રીલ્સ પહેલાની જેમ જ મફત ઉપલબ્ધ રહેશે. આ પ્લાન ફક્ત તે લોકો માટે છે જેઓ પોતાની પ્રોફાઇલને અલગ બનાવવા માંગે છે.

સ્ટોરી અને રીલ્સ માટેના ખાસ પ્રીમિયમ ફીચર્સ

ઈન્સ્ટાગ્રામ પ્લસમાં સ્ટોરી ફીચર્સ પર વિશેષ ધ્યાન આપવામાં આવ્યું છે:

Story Spotlight: તમારી સ્ટોરી મિત્રોની ફીડમાં ટોપ પર દેખાશે.

Super Hearts: મિત્રોને એનિમેટેડ અને ખાસ પ્રતિક્રિયા મોકલી શકાશે.

Story Extend: સ્ટોરી 24 ને બદલે 48 કલાક સુધી લાઈવ રહેશે.

Story Rewatch Insights: તમારી સ્ટોરી કેટલી વાર જોવામાં આવી તે જાણી શકાશે.

Search Viewer List: વ્યુઅર લિસ્ટમાં કોઈ ચોક્કસ વ્યક્તિને સર્ચ કરવાની સુવિધા.

પ્રોફાઇલ કસ્ટમાઇઝેશન: બાયોથી લઈને એપ આઈકોન સુધી

હવે યુઝર્સ પોતાની પ્રોફાઇલને પ્રોફેશનલ લુક આપી શકશે. આમાં કસ્ટમ એપ આઈકોન્સ અને બાયો માટે અલગ-અલગ ફોન્ટ્સનો ઉપયોગ કરી શકાશે. આ ઉપરાંત, તમે તમારી પ્રોફાઇલ પર 3 ને બદલે 6 પોસ્ટ પિન કરી શકશો, જેથી મહત્વપૂર્ણ કન્ટેન્ટ હંમેશા ટોપ પર રહે.

ફીડમાં દેખાયા વગર પોસ્ટ કરવાની સુવિધા અને એડવાન્સ ઇનસાઇટ્સ

ઈન્સ્ટાગ્રામ પ્લસનું સૌથી મોટું આકર્ષણ 'Post Directly to Profile' ફીચર છે. તમે ફોટો કે વિડિયો સીધા તમારી પ્રોફાઈલ કે હાઈલાઈટ્સમાં મૂકી શકશો, જે ફોલોઅર્સની હોમ ફીડમાં દેખાશે નહીં. આ ફીચર પ્રોફેશનલ ક્રિએટર્સ અને બિઝનેસ એકાઉન્ટ્સ માટે ગેમ-ચેન્જર સાબિત થશે. સાથે જ, એડવાન્સ ઇનસાઇટ્સ દ્વારા કન્ટેન્ટના પર્ફોર્મન્સનું ઊંડાણપૂર્વક વિશ્લેષણ પણ કરી શકાશે.

આ પણ વાંચો : Instagram Reels માં નવું મજેદાર ફીચર આવશે, મોટી કમાણીનો માર્ગ ખુલશે