Oracle બાદ Google-Meta સહિત 18 અમેરિકી કંપનીઓ ઈરાનના નિશાના પર! જો હુમલો થયો તો શું થશે?

Iran Targets Tech Giants : ઓરેકલ કેમ બન્યું નિશાન?

ઈરાનની રિવોલ્યુશનરી ગાર્ડ (IRGC) ના જણાવ્યા અનુસાર, ઓરેકલના અમેરિકાના સંરક્ષણ વિભાગ [Department of Defense] સાથે ગાઢ સંબંધો છે. વધુમાં, કંપનીના સ્થાપક લેરી એલિસનના ઈઝરાયેલ સાથેના મૈત્રીપૂર્ણ સંબંધોને કારણે ઈરાન આ કંપનીને જંગમાં સીધી રીતે સંકળાયેલી માની રહ્યું છે. જોકે, હજુ સુધી UAE તરફથી આ હુમલાની સત્તાવાર પુષ્ટિ કરવામાં આવી નથી, જેના કારણે સ્થિતિ રહસ્યમય બની છે.

18 અમેરિકી ટેક કંપનીઓને ચેતવણી

માત્ર ઓરેકલ જ નહીં, પરંતુ ઈરાને એપલ [Apple], માઈક્રોસોફ્ટ [Microsoft], ગૂગલ [Google], એમેઝોન [Amazon] અને ઈન્ટેલ [Intel] જેવી કુલ ૧૮ દિગ્ગજ અમેરિકી કંપનીઓને સીધી ચેતવણી આપી છે. ઈરાનનો આરોપ છે કે આ કંપનીઓ તેમની ક્લાઉડ અને AI સેવાઓ દ્વારા અમેરિકા અને ઈઝરાયેલની જાસૂસી પ્રવૃત્તિઓમાં મદદ કરી રહી છે. IRGC એ આ કંપનીઓને આતંકી સંસ્થાઓ જાહેર કરી તેમના કર્મચારીઓને ઓફિસ છોડી દેવાની પણ ધમકી આપી છે.

એમેઝોન અને અન્ય સેવાઓ પર અસર

આ અગાઉ બહેરીનમાં એમેઝોન વેબ સર્વિસીસ [Amazon Web Services - AWS] ના ડેટા સેન્ટર પર પણ હુમલાના અહેવાલો આવ્યા હતા, જેનાથી ઘણી ડિજિટલ સેવાઓ ખોરવાઈ હતી. ક્લાઉડ ઈન્ફ્રાસ્ટ્રક્ચર [Cloud Infrastructure] ને હવે ડિજિટલ હથિયાર તરીકે જોવામાં આવી રહ્યું છે, જે ભવિષ્યમાં યુદ્ધની રીતને સંપૂર્ણપણે બદલી શકે છે.

આ પણ વાંચો : NASA Artemis II Mission : અંતરિક્ષમાંથી પૃથ્વીની મનમોહક તસ્વીરો સામે આવી