₹300માં એક વર્ષ માટે પ્લાનની કિંમત લોક

Jio Prime Membership હાલના પ્રીપેડ અને પોસ્ટપેડ ગ્રાહકો માટે ઉપલબ્ધ છે. અન્ય ટેલિકોમ કંપનીના ગ્રાહકો પણ પોતાનો મોબાઇલ નંબર Jioમાં પોર્ટ (Port) કરાવીને આ મેમ્બરશિપ મેળવી શકે છે. ₹300ની મેમ્બરશિપ લીધા બાદ ગ્રાહકો પોતાના વર્તમાન Jio પ્લાનની કિંમત 5 સપ્ટેમ્બર 2027 સુધી લોક કરી શકશે. જો આ સમયગાળા દરમિયાન Jio પોતાના પ્રીપેડ અથવા પોસ્ટપેડ પ્લાનના ભાવમાં વધારો કરે, તો Prime સભ્યોને તેમના હાલના પ્લાન માટે વધેલી કિંમત ચૂકવવાની જરૂર નહીં પડે. તેઓ જૂની કિંમત પર જ રિચાર્જ અથવા ચુકવણી કરી શકશે.

મળશે ₹600ના 2 કેશબેક વાઉચર

Jio Prime સભ્યોને કુલ ₹600ના 2 CashBack Voucher પણ મળશે. તેમાં ₹300નું પહેલું વાઉચર નવા JioHome અથવા JioPC કનેક્શન માટે ચુકવણી કરતી વખતે ઉપયોગમાં લઈ શકાશે. બીજું ₹300નું કેશબેક વાઉચર કોઈ મિત્ર અથવા પરિવારના સભ્ય માટે નવું Jio SIM Connection ઉમેરવા પર મળશે. એટલે ગ્રાહક ₹300ની મેમ્બરશિપ ફી ચૂકવ્યા બાદ કુલ ₹600ના વાઉચરનો લાભ મેળવી શકે છે.

પ્રાથમિકતા ગ્રાહક સેવા અને નવા પ્રોડક્ટ્સનો વહેલો એક્સેસ

Jio Prime ગ્રાહકોને Priority Customer Service પણ આપવામાં આવશે. કંપનીએ Prime Members માટે અલગ સર્વિસ ચેનલ (Service Channel) તૈયાર કરી છે, જેથી તેમને ગ્રાહક સેવા દરમિયાન પ્રાથમિકતા મળી શકે. આ ઉપરાંત Prime સભ્યોને નવા Jio Products, Services અને Trialsનો Early Access મળશે. એટલે અન્ય ગ્રાહકોની સરખામણીમાં તેઓ નવી સુવિધાઓ અને સેવાઓનો વહેલો ઉપયોગ કરી શકશે.

Jioએ જણાવ્યું છે કે મેમ્બરશિપ સમયગાળા દરમિયાન Prime ગ્રાહકો માટે વધુ ખાસ ફાયદા (Membership Benefits) પણ જાહેર કરવામાં આવી શકે છે. આ વધારાના લાભોની જાહેરાત કંપની આગામી સમયમાં કરશે.

આ પણ વાંચો : Google Sleep Breathing Quality : Smartwatch હવે ઊંઘમાં પણ રાખશે નજર! જાણો Google ના આ ફીચર વિશે