WhatsApp Premium Plan : WhatsApp અત્યાર સુધીમાં મફતમાં સેવા-સુવિધા આપતું હતું, તે ટૂંક સમયમાં યુઝર્સ પાસેથી ચાર્જ વસૂલ કરી શકે છે. Meta એ પુષ્ટિ આપી છે કે, WhatsApp પર સબ્સ્ક્રિપ્શન સુવિધા શરૂ કરવાની તૈયારી ચાલી રહી છે. જો કે, તેને લઇને ગભરાવાની જરૂર નથી, કારણ કે, નિયમિત યુઝર્સ માટે એપ્લિકેશન સંપૂર્ણપણે બંધ કરવામાં આવશે નહીં. પરંતુ, જેઓ એપમાં વધુ સુવિધાઓ અને તેનો જાહેરાત-મુક્ત વપરાશ ઇચ્છે છે, તેઓએ પ્રીમિયમ સેવાઓ માટે ચૂકવણી કરવી પડી શકે છે.
YouTube જેવું જ મોડેલ રજૂ કરવાની ચર્ચા (WhatsApp Premium Plan)
Meta હવે WhatsApp ને આવકનો મુખ્ય સ્ત્રોત બનાવવા માંગે છે. તેથી, કંપની એક નવું સબ્સ્ક્રિપ્શન મોડેલ રજૂ કરવાની તૈયારી કરી રહી છે. અહેવાલો અનુસાર, આ મોડેલ YouTube જેવું જ હશે, જ્યાં મફત યુઝર્સ પણ એપ્લિકેશનનો ઉપયોગ કરી શકે છે, પરંતુ ફક્ત ચૂકવણી કરનારાઓને જ વધારાની સુવિધાઓ પ્રાપ્ત થશે.
![]()
પૈસા વગર સિમિત સુવિધા મળશે (WhatsApp Premium Plan)
જો તમે વિચારી રહ્યા છો કે, તમારે WhatsApp નો ઉપયોગ કરવા માટે ચૂકવણી કરવી પડશે, તો તે સાચું નથી. ચેટિંગ, કૉલિંગ સહિતની પ્રાથમિક સુવિધાઓ પહેલાની જેમ મફત રહેશે. સબ્સ્ક્રિપ્શન વિના યુઝર્સ WhatsApp નો ઉપયોગ કરી શકશે, પરંતુ તેઓ માટે સુવિધા સિમિત રહેશે.
આ પણ વાંચો ------ NASA's Moon Mission: ઇંધણ લીકથી નાસાનું ચંદ્ર મિશન અટક્યું, લોન્ચિંગ હવે થશે માર્ચમાં
ભવિષ્યમાં સુવિધામાં વધારો થશે
અહેવાલ મુજબ, WhatsApp તેના પ્રીમિયમ યુઝર્સને ઘણી વિશેષ સુવિધાઓ આપશે. સૌથી મોટો ફાયદો સ્ટેટસ ટેબમાં જાહેરાતોમાંથી મુક્તિ હશે. વધુમાં, તમે ખાસ સ્ટીકરો, નવી એપ્લિકેશન થીમ્સ, ત્રણથી વધુ ચેટ્સ પિન કરવાની ક્ષમતા, એપ્લિકેશન આઇકોન બદલવાનો વિકલ્પ, અને કસ્ટમ રિંગટોન જેવી સુવિધાઓની અપેક્ષા છે. ભવિષ્યમાં વધુ સુવિધાઓ ઉમેરવામાં આવી શકે છે.
![]()
સત્તાવાર જાહેરાતની વાટ
WhatsApp સબ્સ્ક્રિપ્શનન બધાય માટે જરૂરી છે કે, નહીં તે નક્કી કરવું હજુ વહેલું છે. જ્યાં સુધી કંપની તેની કિંમત અને સુવિધા સાથેની સંપૂર્ણ સૂચિ જાહેર ન કરે, ત્યાં સુધી રાહ જોવી હિતાવહ છે. માહિતી અનુસાર, મફત WhatsApp સામાન્ય યુઝર્સ માટે પૂરતું હશે, કારણ કે, દરેકને ખાસ સુવિધાઓની જરૂરત હોતી નથી.
લોન્ચ અંગેની કોઇ તારીખ જણાવી નથી
મેટાએ ફક્ત એટલું જ કહ્યું છે કે, તે WhatsApp માટે સબ્સ્ક્રિપ્શન મોડેલ પર કામ કરી રહ્યું છે. WhatsApp બીટા વર્ઝન 2.26.3.9 ના કોડમાં પણ આના સંકેતો જોવા મળ્યા છે. જો કે કંપનીએ લોન્ચ તારીખ જાહેર કરી નથી, એવું માનવામાં આવે છે કે, આ સુવિધા ટૂંક સમયમાં યુઝર્સ માટે રોલઆઉટ કરવામાં આવશે. એકંદરે, WhatsAppનું સબ્સ્ક્રિપ્શન મોડેલ એવા લોકો માટે હશે, જેઓ વધુ સુવિધાઓ અને જાહેરાત-મુક્ત અનુભવ ઇચ્છે છે, જ્યારે નિયમિત યુઝર્સ મફતમાં એપનો ઉપયોગ જારી રાખી શકે છે.
આ પણ વાંચો ------ Artificial Intelligence: મૃત્યુ પછી પણ ‘લાઈવ’ રહેશે તમારો AI અવતાર!, હવે ‘ડિજિટલ જીવન’નું જોખમ?
