Mobile: નેટવર્કની સમસ્યાથી મોબાઈલ રહેશે ફ્રી, Vivo લાવી રહ્યું છે અદભૂત ટેક્નોલોજી
- Mobile: મોબાઈલમાં વારંવાર નેટવર્કની સમસ્યા?
- Vivo લાવી રહ્યું છે અદ્ભુત ટેકનોલોજી
- આ ટેક્નોલોજીથી મોબાઈલમાં નહીં રહે નેટવર્કની સમસ્યા
Mobile: આજે સ્માર્ટફોન (Smartphone) બે મુખ્ય પડકારોનો સામનો કરી રહ્યું છે. એક છે સિગ્નલ જાળવી રાખવું, બીજું મલ્ટીટાસ્કિંગ (Multitasking) અને હેવી વર્ક દરમિયાન ઓવરહિટીંગ (Overheating) થતું અટકાવવું. જ્યારે વિવિધ કંપનીઓ આ પડકારોને દૂર કરવા માટે અભિગમો અપનાવી રહી છે. ત્યારે વિવો એક અનોખી અને નવી ટેકનોલોજી (Technology) પર કામ કરવા જઈ રહ્યું છે. વિવો કંપની મોબાઈલ ફોનની આ બંને સમસ્યાનું સમાધાન એક જ ઉકેલથી લાવશે.
Mobile: ફોનની એન્ટેના સિસ્ટમ ઠંડકનું કામ કરશે
સ્માર્ટફોનમાં એન્ટેના સિસ્ટમ (Antenna system) એટલે ઉપકરણની ફ્રેમ પર લગાવેલી ધાતુની પટ્ટી છે. તે ખૂબ કાર્યક્ષમ છે. પરંતુ ક્યારેક હાથની પકડ તેના કાર્યને અવરોધિત કરી શકે છે. જેનાથી નેટવર્કની સમસ્યા આવે છે. આ સમસ્યાને ઉકેલવા માટે, વિવો એન્ટેનાનો ઉપયોગ કૂલિંગ ફેન બ્લેડ (Cooling fan blade) તરીકે કરવાની યોજના બનાવી રહ્યું છે. આનો અર્થ એ છે કે એન્ટેના પોતે ફોનના કૂલિંગ ફેનનું બ્લેડ બનશે. નોંધનીય છે કે, કંપની પાસે હાલ આ યોજના છે. તેના પર ક્યારે કામ શરૂ કરવામાં આવશે, તે અંગે ચોક્કસ કોઈ માહિતી નથી.
Mobile: શું ફાયદો થશે?
આ ટેકનોલોજી ફોનના સિગ્નલની સમસ્યા પકડવામાં મદદ કરશે. સ્થિર રહેવાને બદલે, એન્ટેના પંખાના બ્લેડની જેમ ફરશે, જેનાથી તે કોઈપણ અવરોધને ટાળીને સિગ્નલ વધુ સારી રીતે પ્રાપ્ત કરી શકશે. આ માટે, વિવો કેપેસિટીવ કપ્લીંગ સિસ્ટમનો (Capacitive coupling system) ઉપયોગ કરશે. આમાં, એન્ટેના મેટલ સપાટીઓ વચ્ચે હવાના અંતરને પાર કરશે. અને વાયરલેસ રીતે મધરબોર્ડ સુધી પહોંચશે. જો વિવો આ પેટન્ટને ઉત્પાદનમાં લાવે છે, તો તેના બે મુખ્ય ફાયદા થશે. પહેલો ફાયદો એ કે, તે ફોનની અંદર જગ્યા બચાવશે, મોટી બેટરી અથવા મોટા કેમેરા સેન્સર માટે માર્ગ મોકળો કરશે. બીજો ફાયદો એ થશે કે તે ફોનને ઠંડુ રાખવામાં મદદ કરશે. આનાથી હેવી વર્ક અથવા ગેમિંગ દરમિયાન મોબાઈલ ફોનને ઓવરહિટ (Overheat) થતો અટકાવશે.
આ પણ વાંચો----Bhavnagar: શિક્ષકે આચાર્ય સામે નોંધાવી ફરિયાદ, 13 વર્ષથી માનસિક ત્રાસનો આક્ષેપ
આ પણ વાંચો----Canada Firing: કેનેડામાં વધુ એક ભારતીય વિદ્યાર્થીની હત્યા કરાઈ, ટોરેન્ટોમાં સરાજાહેર કરાયો ગોળીબાર