Mobile Tower નું રેડિયેશન આ રીતે સરળતાથી તપાસો, જાણો કામની વાત..!

• મોબાઇલ ટાવરના રેડિયેશનની જાણકારી માટે સરકારે પોર્ટલ શરૂ કર્યું
• વિગતો ભર્યા બાદ તમે પસંદગી કરેલા ટાવરની માહિતી જાણી શકો છો
• રેડિયેશનના માનવ જીવન પર આડઅસર અંગે કોઇ પુરાવા હાથ લાગ્યા નથી

Easy Way To Check Mobile Tower EMF Radiation : હવે તમે તમારા ઘરના આરામથી મોબાઇલ ટાવર રેડિયેશન વિશે જાણી શકો છો. આ હેતુ માટે ટેલિકોમ્યુનિકેશન વિભાગે એક સમર્પિત પોર્ટલ શરૂ કર્યું છે. DoT એ તેના સત્તાવાર X હેન્ડલ દ્વારા આ માહિતી શેર કરી છે. જો તમે પણ જાણવા માંગતા હોવ કે તમારા ઘરની નજીકના મોબાઇલ ટાવર દ્વારા કેટલું EMF (ઇલેક્ટ્રોમેગ્નેટિક ફિલ્ડ) રેડિયેશન ઉત્સર્જિત થઈ રહ્યું છે, તો તમે સરળતાથી જાણી શકો છો.

 

View this post on Instagram

 

A post shared by DoT_India (Department of Telecommunications) (@department_of_telecom)

EMF રેડિયેશન શું છે ?

ઇલેક્ટ્રોમેગ્નેટિક ફિલ્ડ રેડિયેશન મોબાઇલ ટાવર દ્વારા ઉત્સર્જિત તરંગોનો છે. આ તરંગો મોબાઇલ ઉપકરણો સાથે ક્રિયા-પ્રતિક્રિયા કરે છે અને કનેક્ટિવિટી પ્રદાન કરે છે. જો કે, એક એવી પણ માન્યતા છે કે, આ તરંગો માનવ સ્વાસ્થ્ય માટે હાનિકારક છે, પરંતુ કોઈ સંશોધનમાં તે અંગેના કોઈ પુરાવા મળ્યા નથી. વિશ્વ આરોગ્ય સંગઠને પણ મોબાઇલ ટાવરમાંથી EMF રેડિયેશનની અસરો પર વિગતવાર અભ્યાસ હાથ ધર્યો છે, પરંતુ તેને કોઈ પુરાવા મળ્યા નથી કે, તે માનવ માટે હાનિકારક છે.

મર્યાદા સેટ કરવામાં આવી છે

જો કે, ભારત કદાચ વિશ્વનો એકમાત્ર દેશ છે જેણે, ખૂબ સતર્કતા દાખવીને મોબાઇલ હેન્ડસેટ માટે સૌથી કડક SAR માપદંડોને અપનાવ્યા છે, જેમાં INCNIRP-નિયમિત ધોરણોના 1/10મા ભાગ પર મોબાઇલ ફોન ટાવરમાંથી રેડિયેશનની મર્યાદા સેટ કરવામાં આવી છે. ભારત સરકારે આ ધોરણોનું સતત નિરીક્ષણ, અમલીકરણ અને નિયમોનું કડક પાલન થાય તે સુનિશ્ચિત કરવા માટે પૂરતા પગલાં લીધાં છે.

દંડની જોગવાઈઓ

EMF રેડિયેશન ધોરણોનું પાલન કરવામાં નિષ્ફળ રહેતા ટેલિકોમ ઓપરેટરો અને સેવા પ્રદાતાઓને પ્રતિ BTS રૂ. 10 લાખ સુધીનો દંડ થઈ શકે છે, અથવા તો સાઇટ બંધ પણ થઈ શકે છે. મોબાઇલ ટાવર્સનું સતત નિરીક્ષણ અને ઓડિટ કરવામાં આવે છે, જેથી ખાતરી કરી શકાય કે, તેઓ નિર્ધારિત ધોરણોથી વધુ EMF રેડિયેશન ઉત્સર્જન કરતા નથી.

EMF રેડિયેશન આ રીતે જાણી શકાય

• ભારત સરકારની વેબસાઇટ https://tarangsanchar.gov.in/emfportal ની મુલાકાત લો.
• અહીં, તમારે નામ અને સરનામાની માહિતી દાખલ કરવાની જરૂર પડશે
• આ પછી, તમે તમારું સ્થાન પસંદ કરી શકો છો, અને તેમાંથી આવતા EMF રેડિયેશન શોધી શકો છો.

આ પણ વાંચો ------  Instagram Reels ની મજા હવે TV પર માણી શકાશે, જાણો નવી અપડેટ