Moon Mission Technology : હવે ચંદ્ર પર જવું થશે સસ્તું, વૈજ્ઞાનિકોએ શોધ્યો 'અંતરિક્ષનો હાઈવે'!
- પૃથ્વી અને ચંદ્ર વચ્ચેના L1 પોઈન્ટનો ઉપયોગ હવે ટ્રાન્ઝિટ હબ તરીકે થશે
- નવી ટેકનોલોજીથી ઈંધણની થશે મોટી બચત, મિશન થશે વધુ સફળ
- ગુરુત્વાકર્ષણ બળનો ઉપયોગ કરી સ્પેસક્રાફ્ટ પહોંચશે ચંદ્રની સપાટી પર
- ભવિષ્યના માનવ અને રોબોટિક મૂન મિશન માટે ગેમ ચેન્જર સાબિત થશે આ શોધ
- મંગળ અને અન્ય ગ્રહોની યાત્રા માટે પણ આ ટેકનિકનો ઉપયોગ થઈ શકશે
માનવજાત હવે ચંદ્ર પર વસવાટ કરવાના સપના જોઈ રહી છે ત્યારે વૈજ્ઞાનિકોએ (Scientists) એક એવી ટેકનોલોજી વિકસાવી છે જે ચંદ્ર મિશનના (Moon Mission) ખર્ચમાં ધરખમ ઘટાડો કરશે. અત્યાર સુધી ચંદ્ર પર જવું એ અત્યંત ખર્ચાળ અને વધુ ઈંધણ માગી લેતી પ્રક્રિયા હતી, પરંતુ હવે પૃથ્વી અને ચંદ્ર વચ્ચેના ગુરુત્વાકર્ષણ બળનો ઉપયોગ કરીને 'અંતરિક્ષનો હાઈવે' તૈયાર કરવામાં આવ્યો છે.
NASA president Bill Nelson
L1 પોઈન્ટ: અંતરિક્ષનું વ્યૂહાત્મક સ્ટેશન
પૃથ્વી અને ચંદ્રની વચ્ચે એક એવું બિંદુ છે જેને L1 લેગ્રાન્જિયન પોઈન્ટ (L1 Lagrangian Point) કહેવામાં આવે છે. આ એક એવું સ્થાન છે જ્યાં પૃથ્વી અને ચંદ્ર બંનેનું ગુરુત્વાકર્ષણ બળ (Gravitational Force) એકબીજાને સંતુલિત કરે છે. વૈજ્ઞાનિકો આ પોઈન્ટને ભવિષ્યના 'ટ્રાન્ઝિટ હબ' તરીકે જોઈ રહ્યા છે. અહીં સ્પેસક્રાફ્ટ ખૂબ જ ઓછી ઉર્જાનો ઉપયોગ કરીને સ્થિર રહી શકે છે, જે તેને અંતરિક્ષ સ્ટેશન બનાવવા માટે આદર્શ સ્થાન બનાવે છે.
લ્યાપુનોવ ઓર્બિટ અને ઈંધણની બચત
નવા સંશોધન મુજબ, વૈજ્ઞાનિકોએ 'લ્યાપુનોવ ઓર્બિટ' (Lyapunov Orbit) અને તેના જટિલ માર્ગોનો ઉપયોગ કરવાની ટેકનિક વિકસાવી છે. આ પદ્ધતિમાં સ્પેસક્રાફ્ટ સીધું ચંદ્ર પર જવાને બદલે પહેલા આ વિશિષ્ટ ઓર્બિટમાં પ્રવેશ કરશે. આ ટેકનિકથી પ્રતિ સેકન્ડ 58.80 મીટર જેટલા ઈંધણની (Fuel) બચત થઈ શકે છે. લાખો કિલોમીટરની યાત્રામાં આ આંકડો કરોડો રૂપિયાની બચત કરાવી શકે છે.
મંગળ મિશન માટે પણ ખુલશે દ્વાર
આ ટેકનોલોજી માત્ર ચંદ્ર મિશન (Moon Mission) પૂરતી સીમિત નથી. વૈજ્ઞાનિકોનું માનવું છે કે જો આપણે L1 પોઈન્ટ પર સફળતાપૂર્વક ટ્રાન્ઝિટ સેન્ટર સ્થાપિત કરી શકીએ, તો તે ભવિષ્યમાં મંગળ (Mars) અને અન્ય ગ્રહોની લાંબી મુસાફરી માટે 'રીફ્યુઅલિંગ સ્ટેશન' અથવા 'વેઈટિંગ લાઉન્જ' તરીકે કામ કરી શકશે. આનાથી સ્પેસક્રાફ્ટને પૃથ્વી પરથી વધુ પડતું ઈંધણ લઈ જવાની જરૂર નહીં પડે, જેનાથી મિશનની ક્ષમતા વધશે.
અંતરિક્ષ વિજ્ઞાનની આ નવી દિશા આગામી દાયકામાં ચંદ્ર પર માનવ વસાહત સ્થાપવાના નાસા (NASA) અને ઈસરો (ISRO) જેવા સંગઠનોના લક્ષ્યોને વધુ નજીક લાવશે.
આ પણ વાંચો : સેમસંગના 45,000 કર્મચારીઓ હડતાળનું કર્યું એલાન, આ દિવસથી ખોરવાશે કામકાજ!