AI થી ડરવાની જરૂર નથી, તેને અપનાવવાનો સમય આવ્યો છે: Nandan Nilekani

Nandan Nilekani on AI: AI અને ભવિષ્યની તૈયારી

ઇન્ફોસિસની 45મી વાર્ષિક સામાન્ય સભામાં નંદન નિલેકણીએ શેરધારકોને સંબોધતા આ વાત કરી હતી. તેમણે જણાવ્યું હતું કે, કંપની 2030 સુધીમાં 400 અબજ ડોલરના AI-ફર્સ્ટ સર્વિસ માર્કેટનો લાભ લેવા માટે સંપૂર્ણ તૈયાર છે. જેનરેટિવ AI ના આગમનના ત્રણ વર્ષ પછી પણ ઇન્ફોસિસ પોતાની ઉપયોગિતા જાળવી રાખવામાં સફળ રહી છે. કંપની નવીનતમ કોડિંગ ટુલ્સનો ઉપયોગ કરીને પોતાની ઉત્પાદકતા સતત વધારી રહી છે.

Nandan Nilekani on AI: એન્ટરપ્રાઈઝ ક્ષેત્રે પડકારો અને તકો

મોટી કંપનીઓ કે એન્ટરપ્રાઈઝ ક્લાયન્ટ્સ માટે AI ને લાગુ કરવામાં હજુ પણ કેટલાક અવરોધો છે. નંદન નિલેકણી મુજબ આ અવરોધોને દૂર કરવાનું કામ આઈટી કંપનીઓ ખૂબ સારી રીતે કરી શકે છે. એન્ટરપ્રાઈઝ સોલ્યુશન્સ માટે અત્યંત ચોક્કસ ટેસ્ટિંગ, મજબૂત માળખું અને સાયબર સુરક્ષા જરૂરી છે. આવી ગંભીર બાબતોમાં માત્ર બાહ્ય પ્લેટફોર્મ પર આધાર રાખી શકાય નહીં. આથી ટેકનિકલ બદલાવના આ યુગમાં ઇન્ફોસિસ જેવી કંપનીઓની ભૂમિકા વધુ મહત્વની બની છે.

બદલાતા સમયની સાથે આધુનિકીકરણ

AI ક્રાંતિને લીધે જૂની સિસ્ટમ્સને આધુનિક બનાવવી અનિવાર્ય બની ગઈ છે. નંદન નિલેકણીએ જણાવ્યું કે તેમના ક્લાયન્ટ્સ એન્ટરપ્રાઈઝ AI ની મુશ્કેલીઓ સમજવા માટે ઇન્ફોસિસ પર ભરોસો મૂકે છે. ઇન્ફોસિસ હાલમાં પોતાના 200 ક્લાયન્ટ્સમાંથી 90 ટકા ક્લાયન્ટ્સ સાથે AI અનુભવમાં સહયોગ કરી રહી છે. આ રીતે કંપની ટેકનોલોજીના આ મોટા બદલાવનો ફાયદો ઉઠાવવા માટે સક્ષમ છે.

આ પણ વાંચો--- Tata Electronics cyber attack : ટાટા ઇલેક્ટ્રોનિક્સ પર મોટો સાયબર હુમલો! Apple અને Tesla નો ડેટા લીક, જાણો સમગ્ર મામલો